- కాంగ్రెస్ ప్రోత్సాహంతోనే టాలీవుడ్ డెవలప్: మహేశ్కుమార్ గౌడ్
నిజామాబాద్, వెలుగు: పుష్ప సినిమా హీరో అల్లు అర్జున్ సరైన మార్గదర్శకాలు పాటించకుండా సంధ్య థియేటర్కు వెళ్లడం వల్లే తొక్కిసలాట జరిగిందని, ఓ మహిళ మృతి చెందిందని పీసీసీ చీఫ్ మహేశ్ కుమార్ గౌడ్ పేర్కొన్నారు. ఈ దుర్ఘటనలో పదేండ్ల బాలుడు చావు బతుకుల మధ్య హాస్పిటల్లో ట్రీట్మెంట్ పొందుతున్న అంశాన్ని పట్టించుకోకుండా బీజేపీ, బీఆర్ఎస్ లీడర్లు అల్లు అర్జున్అరెస్ట్పై స్పందించిన తీరు ఘోరమన్నారు. ఆదివారం మహేశ్కుమార్గౌడ్ నిజామాబాద్ అర్అండ్బీ గెస్ట్ హౌస్లో మీడియాతో మాట్లాడారు.
సినిమా రంగాన్ని ప్రోత్సహించే విషయంలో కాంగ్రెస్ ఎప్పుడూ ముందుందని తెలిపారు. మద్రాస్ కేంద్రంగా పనిచేసిన తెలుగు చిత్ర పరిశ్రమ హైదరాబాద్ షిఫ్ట్ కావడానికి కాంగ్రెస్ సీఎంలు మర్రి చెన్నారెడ్డి, జలగం వెంగళరావు, కోట్ల విజయభాస్కర్రెడ్డి సహా వైఎస్రాజశేఖర్రెడ్డికి వరకు అందరూ కారకులని పేర్కొన్నారు. తక్కువ రేట్కే ల్యాండ్ ఇచ్చి అన్నపూర్ణ, పద్మాలయ స్టూడియోలు నిర్మించేలా ప్రోత్సహించారని చెప్పారు. ఆ టైమ్లో బీజేపీ కేంద్ర మంత్రి బండి సంజయ్ ఎక్కడున్నారని ప్రశ్నించారు.
జైలుకెళ్లి వస్తే పరామర్శలా?
సినిమా థియేటర్కు వెళ్లి తొక్కిసలాటకు కారకుడైన అల్లు అర్జున్ 8 గంటలు జైళ్లో ఉంటే బీజేపీ, బీఆర్ఎస్ లీడర్లు గగ్గోలుపెడుతూ ఆయనను పరామర్శించారని తెలిపారు. మరణించిన మహిళపై, హాస్పిటల్లో ట్రీట్మెంట్ పొందుతున్న ఆమె కొడుకుపై కించిత్తు సానుభూతి లేని లీడర్లు కాంగ్రెస్ను లక్ష్యం చేసుకొని, విమర్శలు చేయడం విడ్డూరమన్నారు.
అన్ని రంగాల డెవలప్మెంట్ కోరుకునే తమ సర్కారు అందులో సినిమా రంగం అభివృద్ధిని చిత్తశుద్ధితో కోరుకుంటున్నదని తెలిపారు. ఆ దృష్టితోనే మినహాయింపులు ఇచ్చి మరీ కమర్షియల్ సినిమా అయిన పుష్ప2కు టికెట్రేట్లు పెంచుకునే అవకాశాన్ని మంత్రి కోమటిరెడ్డి వెంకట్రెడ్డి కల్పించారన్నారు.
