న్యూఢిల్లీ: యూఎస్ సావరిన్ రేటింగ్ను తగ్గిస్తున్నామంటూ ఫిచ్ప్రకటించిన కొన్ని రోజులలోనే మరో రేటింగ్ ఏజన్సీ మూడీస్ ఆ దేశంలోని కొన్ని బ్యాంకుల క్రెడిట్ రేటింగ్ను తగ్గించేసింది. దేశంలోని బడా బ్యాంకుల స్టేటస్ను రివ్యూ చేస్తున్నట్లు వార్నింగ్ ఇచ్చింది. పది బ్యాంకుల రేటింగ్కు కోత పెట్టగా, కొన్ని పెద్ద బ్యాంకులపై రివ్యూ నిర్వహస్తున్నామని, డౌన్గ్రేడ్ ముప్పు పొంచి ఉందని మూడీస్ వెల్లడించింది. ఎం అండ్ టీ బ్యాంక్, పినకిల్ ఫైనాన్షియల్ పార్ట్నర్స్, ప్రాస్పెరిటీ బ్యాంక్, బీఓకే ఫైనాన్షియల్కార్ప్ వంటివి డౌన్గ్రేడ్ చేసిన జాబితాలో ఉన్నాయి. బీఎన్వై మెలన్, యూఎస్ బ్యాంకార్ప్, స్టేట్ స్ట్రీట్, ట్రూయిస్ట్ ఫైనాన్షియల్ వంటి బ్యాంకులపై రివ్యూ జరుగుతున్నట్లు మూడీస్ తెలిపింది.
చాలా బ్యాంకులు రెండో క్వార్టర్లో లాభాలపై వత్తిడిని ఎదుర్కొన్నాయి. ఫైనాన్షియల్ రిజల్ట్స్ ద్వారా ఇది వెల్లడవుతోందని, అంతర్గతంగా క్యాపిటల్ను జనరేట్ చేసుకునే సామర్ధ్యం తగ్గుతోందని తెలుస్తోందని మూడీస్ తన నోట్లో వివరించింది. వడ్డీ రేట్లు, అసెట్స్ అండ్ లయబిలిటీస్ మేనేజ్మెంట్లో యూఎస్ బ్యాంకులు కొంత రిస్క్ఎదుర్కొంటున్నాయని మూడీస్ పేర్కొంది.
ఈ ఏడాది మొదట్లో అమెరికాలోని సిలికాన్ వ్యాలీ బ్యాంక్, సిగ్నేచర్ బ్యాంకులు కుప్పకూలాయి. దాంతో అమెరికాలోని బ్యాంకింగ్ రంగంపై విశ్వాసం సన్నగిల్లింది. ఫలితంగా చాలా రీజినల్ బ్యాంకులు డిపాజిట్ల వాపసు సమస్యను ఎదుర్కోవలసి వచ్చింది కూడా. బ్యాంకింగ్ సిస్టమ్పై నమ్మకం పెంచడానికి అధికారులు తీవ్ర ప్రయత్నాలు చేసినా, అవి పూర్తిగా ఫలితం ఇవ్వలేదు. క్యాపిటల్ వన్, సిటిజెన్స్ ఫైనాన్షియల్, ఫిఫ్త్ థర్డ్ బ్యాంకార్ప్వంటి వాటి అవుట్లుక్ను స్టేబుల్ నుంచి నెగటివ్కు మూడీస్ ఏజన్సీ మార్చింది.
