- ఫేక్ ఐడీతో పట్టుబడ్డ వ్యక్తి అరెస్ట్
హైదరాబాద్, వెలుగు: సెక్రటేరియెట్లో నకిలీ ఉద్యోగులు హల్ చల్ చేస్తున్నారు. ఇటీవల ఫెక్ ఐడీతో ఒకరు పట్టుబడగా.. గురువారం ఫేక్ ఐడీ ఉన్న మరొక వ్యక్తిని గుర్తించి సచివాలయ భద్రతా సిబ్బంది పట్టుకున్నారు. తహసీల్దార్ పేరిట కొంపల్లి అంజయ్య అనే వ్యక్తి సచివాలయంలోకి వచ్చారని తెలిపారు. అతను తహసీల్దార్ అనే స్టిక్కర్ ఉన్న వాహనంలో కొద్దిరోజులుగా సెక్రటేరియెట్ లోకి వస్తున్నట్లు గుర్తించామని వెల్లడించారు.
అంజయ్యపై అనుమానం రావడంతో సెక్యూరిటీ సిబ్బంది అడ్డుకొని ఐడీ పరిశీలించగా బండారం బయటపడింది. అంజయ్యను పట్టుకున్న సచివాలయ భద్రతా సిబ్బంది అతడిని సైఫాబాద్ పోలీసులకు అప్పగించారు. అతని దగ్గర నుంచి ఫేక్ ఐడీని స్వాధీనం చేసుకున్నారు. దీనిపై కేసు నమోదు చేసి ఫేక్ ఉద్యోగి దందాలపై విచారణ చేస్తున్నామని పోలీసులు పేర్కొన్నారు.
