మంచిర్యాల, వెలుగు: పదేండ్లు అధికారంలో ఉన్న బీఆర్ఎస్ లీడర్లు రాష్ట్రాన్ని దోచుకున్నారని మంచిర్యాల ఎమ్మెల్యే కొక్కిరాల ప్రేమ్సాగర్రావు విమర్శించారు. ఆదివారం జిల్లా కేంద్రంలోని తన నివాసంలో మీడియాతో మాట్లాడారు. కాళేశ్వరం ప్రాజెక్టు నుంచి లీటరు నీటిని తీసుకోకుండానే రాష్ట్రంలో కోటిన్నర లక్షల టన్నుల వడ్లు పండించామని తెలిపారు.
బీఆర్ఎస్హయాంలో రైతులు ఎంతో నష్టపోయారని, అప్పటి ఎమ్మెల్యే దివాకర్రావు ప్రతి స్కీమ్లో అవినీతికి పాల్పడ్డారని ఆరోపించారు. 16 సంవత్సరాల తర్వాత కాంగ్రెస్ ప్రభుత్వం విద్యార్థుల సంక్షేమం కోసం మెస్ చార్జీలు, కాస్మొటిక్ చార్జీలను పెంచిందన్నారు. రూ.2లక్షల రుణమాఫీ 89 శాతం పూర్తయ్యిందని అన్నారు. అనంతరం 155 మందికి సీఎంఆర్ఎఫ్ చెక్కులు పంపిణీ చేశారు. అంతకుముందు గోదావరి ఒడ్డున కడుతున్న వైకుంఠధామం, ఐబీలోని సూపర్స్పెషాలిటీ హాస్పిటల్పనులను ఎమ్మెల్యే పీఎస్సార్ పరిశీలించారు.
