- ఛత్తీస్గఢ్లో సెల్ఫోన్ టవర్లకు నిప్పు
- మందుపాతరలు పేలి ఇద్దరు మహిళలకు గాయాలు
- రోడ్డుకు అడ్డంగా కందకాలు, చెట్ల నరికివేత
భద్రాద్రికొత్తగూడెం/భద్రాచలం, వెలుగు : ఎన్కౌంటర్లను నిరసిస్తూ మావోయిస్టులు ఆదివారం బంద్కు పిలుపునివ్వగా హింసాత్మకంగా మారింది. ఛత్తీస్గఢ్ రాష్ట్రం బీజాపూర్ జిల్లా మోదక్పాల్ పోలీస్ స్టేషన్పరిధిలోని కందుల్నార్ ప్రాంతంలో రెండు సెల్ఫోన్ టవర్లను తగలబెట్టారు. సుకుమా జిల్లా జేగురుగొండ పోలీస్స్టేషన్ పరిధిలోని భీమాపురంలోని ఓ ఇంటిలో పోలీసుల కోసం పెట్టిన మందుపాతర పేలి ఇద్దరు మహిళలు తీవ్రంగా గాయపడ్డారు. ఇందులో ఒకరి పరిస్థితి విషమంగా ఉంది. ఛత్తీస్గఢ్–తెలంగాణ సరిహద్దు రోడ్లపై పలు చోట్ల కందకాలు తవ్వారు.
పూసుగుప్ప, ఉంజుపల్లి ప్రాంతాల్లో రోడ్లకు అడ్డంగా చెట్లను నరికి పడేశారు. భద్రాద్రి కొత్తగూడెం ఎస్పీ బి. రోహిత్ రాజు మాట్లాడుతూ మావోయిస్టులు అమరుస్తున్న బూబీ ట్రాప్స్, ఐఈడీ బాంబ్స్ వల్ల గిరిజనులు భయపడుతూ బతుకుతున్నారని, వారికి ఇబ్బందులు కలుగజేసే విధానాలను వీడాలన్నారు. ఆపరేషన్చేయూత ప్రోగ్రామ్కు ఆకర్షితులైన ఇప్పటి వరకు 15 మంది మావోయిస్టులు లొంగిపోయారని తెలిపారు. లొంగిపోయిన వారిలో ఇద్దరు డిప్యూటీ కమాండర్లు, ముగ్గురు ఏరియా కమిటీ మెంబర్లు, ఐదుగురు దళ సభ్యులు, ఐదుగురు మిలీషియా సభ్యులు ఉన్నారని చెప్పారు.
