సదాశివనగర్, వెలుగు: కాంగ్రెస్ పార్టీ కార్యకర్తలకు ఎల్లప్పుడూ అండగా ఉంటానని ఎల్లారెడ్డి ఎమ్మెల్యే మదన్ మోహన్ రావు అన్నారు. గాయత్రీ షుగర్స్ఫ్యాక్టరీ సీడీసీ (చెరుకు అభివృద్ది సంస్థ) చైర్మన్, పాలక వర్గ ప్రమాణ స్వీకారంలో ఎమ్మెల్యే పాల్గొని మాట్లాడారు. కాంగ్రెస్ కు కష్టకాలంలో అండగా ఉన్న కార్యకర్తల్ని గుండెల్లో పెట్టి చూసుకుంటానన్నారు. ఈ సందర్భంగా సీడీసీ చైర్మన్ గా ఇర్షాదోద్దీన్, పాలకవర్గ సభ్యులతో ప్రమాణ స్వీకారం చేయించారు.
ఎల్లారెడ్డికి మొదటి సారి సీడీసీ చైర్మన్ దక్కిందన్నారు. ఈ సందర్భంగా ఎమ్మెల్యేను శాలువాతో సత్కరించారు. జిల్లా సేవాదళ్ అధ్యక్షుడు లింగాగౌడ్, జిల్లా ఎస్సీ సెల్ అధ్యక్షుడు బాగయ్య, మాజీ వైస్ ఎంపీపీలు, సొసైటీ చైర్మన్లు, గాయ్రత్రీ ఫ్యాక్టరీ వైస్ చైర్మన్ వేణుగోపాల్రావు, కార్మికులు, నియోజక వర్గంలోని కార్యకర్తలు పెద్ద సంఖ్యలో పాల్గొన్నారు.
