- ఎమ్మెల్యే రాందాస్ నాయక్
జూలూరుపాడు, వెలుగు : జూలూరుపాడు లోని ఉప మార్కెట్ ను శాశ్వత మార్కెట్ గా మార్చేందుకు కృషి చేస్తానని వైరా ఎమ్మెల్యే రాందాస్నాయక్ అన్నారు. ఆదివారం మండల కేంద్రంలో లైసెన్స్ ట్రేడర్స్ ఎమ్మెల్యే రాందాస్ నాయక్ ను కలిసి వినతి పత్రం ఇచ్చారు. ప్రయివేట్ స్థలంలో మార్కెట్ నిర్వహించడంతో సమస్యలు వస్తున్నాయని ఎమ్మెల్యే దృష్టి కి తీసుకెళ్లగా పరిష్కరిస్తానని ఆయన చెప్పారు. పత్తి కొనుగోలుదారులు మార్కెట్ యార్డులో విద్యుత్ నిలిపివేశారని తెలుసుకొని వెంటనే విద్యుత్ కలెక్షన్ ఇవ్వాలని అధికారులను ఆదేశించారు. ఈ కార్యక్రమంలో జిల్లా నాయకులు లేళ్ల వెంకటరెడ్డి, మాలోత్ మంగీలాల్, పెండ్యాల రాము. అన్వర్. నవీన్,హమాలీలు, తదితరులు పాల్గొన్నారు.
సీఎంఆర్ఎఫ్ చెక్కుల పంపిణీ
వైరా : వైరా నియోజకవర్గంలో ఐదు మండలాలకు సంబంధించి రూ.78.11 లక్షల విలువైన 240 సీఎంఆర్ఎఫ్ చెక్కులను ఆదివారం ఎమ్మెల్యే రాందాస్ నాయక్ క్యాంప్ ఆఫీసులో లబ్ధిదారులకు అందజేశారు. ఈ సందర్భంగా ఆయన మాట్లాడుతూ నిరుపేదలకు ఆపదలో సీఎంఆర్ఎఫ్ అండగా ఉంటుందన్నారు.
