దేవరకొండ, వెలుగు : దేవరకొండ పట్టణంలోని ప్రభుత్వ బాలుర జూనియర్ కళాశాల ఆవరణలో ఇంటిగ్రేటెడ్ వెజ్, నాన్ వెజ్మార్కెట్ను ఏర్పాటు చేసేందుకు ఎమ్మెల్యే రవీంద్రకుమార్ చేస్తున్న కుట్రలను అడ్డుకుంటామని బీజేపీ ఓబీసీ జాతీయ ప్రధాన కాయదర్శి నిఖిల్ ఆనంద్ చెప్పారు. మార్కెట్ఏర్పాటు నిర్ణయాన్ని వ్యతిరేకిస్తూ కాలేజీ ఎదుట ఏబీవీపీ నాయకులు చేస్తున్న దీక్షకు శుక్రవారంతో నాలుగో రోజుకు చేరుకుంది. ఈ సందర్భంగా దీక్షా శిబిరంలో ఆయన మాట్లాడారు.
పేద విద్యార్థుల కోసం దాతలు కాలేజీ ఏర్పాటుకు స్థలం దానం చేశారని చెప్పారు. ఆ స్థలాన్ని ఇప్పుడు అధికార పార్టీ నాయకులు మార్కెట్పేరుతో స్వాహా చేయడానికి ప్రయత్నిస్తున్నారని ఆరోపించారు. ఎట్టిపరిస్థితుల్లో వారి కుట్రలను అడ్డుకుంటామని చెప్పారు. కార్యక్రయమంలో బీజేపీ నాయకులు కేతావత్ లాలూనాయక్, కళ్యాణ్నాయక్, చెనమోని రాములు, అంకూరి నర్సింహ, ఏటీ కృష్ణ, వినోద్రాథోడ్, మల్లేశ్నాయక్, పగిళ్ల సాగర్ పాల్గొన్నారు.
