- సీఐటీయూ జిల్లా సహాయ కార్యదర్శి సత్తయ్య
జడ్చర్ల, వెలుగు: తమ సమస్యలను పరిష్కారించాలని కోరుతూ 21 రోజులుగా మున్సిపల్ కార్మికులు ఆందోళన చేస్తున్నా ఆఫీసర్లు స్పందించడం లేదు. ఇందుకు నిరసనగా ఈనెల 29వ తేదీన జడ్చర్ల మున్సిపల్ కమిషనర్ ఆఫీస్ ను ముట్టడించాలని నిర్ణయించినట్లు సీఐటీయూ జిల్లా సహాయ కార్యదర్శి తెలుగు సత్తయ్య ఆదివారం తెలిపారు.
ఈ మేరకు కావేరమ్మపేటలోని ప్రధాన రహదారిపై కార్మికులతో కలిసి ధర్నా చేశారు. కార్మికుల సమస్యలను ప్రభుత్వం వెంటనే పరిష్కరించాలని డిమాండ్ చేశారు. కార్యక్రమంలో ఆకుల వెంకటేష్, కృష్ణ, మహేశ్, యాదమ్మ తదితరులు పాల్గొన్నారు.
