‘పెదకాపు’ ఫేమ్ విరాట్ కర్ణ హీరోగా అభిషేక్ నామా దర్శకత్వంలో తెరకెక్కుతున్న చిత్రం ‘నాగబంధం’. అభిషేక్ పిక్చర్స్, ఎన్‌‌ఐకే స్టూడియోస్ బ్యానర్లపై కిషోర్ అన్నపురెడ్డి నిర్మిస్తున్నారు. మంగళవారం ఈ మూవీ ప్రీ-లుక్ పోస్టర్‌‌ను రిలీజ్ చేశారు. హీరో పురాతన ఆలయ ద్వారం ముందు నిలబడి ఉన్నట్లుగా దీన్ని డిజైన్ చేశారు. సంక్రాంతి పండుగ సందర్భంగా జనవరి 13న తను పోషించిన రుద్ర పాత్రను పరిచయం చేస్తున్నట్లుగా మేకర్స్ ప్రకటించారు.
ప్రస్తుతం ఈ సినిమా షూటింగ్ హైదరాబాద్‌‌లో జరుగుతోంది. నాగబంధం ద్వారా రక్షించబడుతున్న 108 విష్ణు దేవాలయాల నేపథ్యంలో ఈ చిత్రాన్ని రూపొందిస్తున్నారు. నభా నటేష్, ఐశ్వర్య మీనన్ హీరోయిన్లుగా నటిస్తున్నారు. ‘కేజీఎఫ్’ ఫేమ్ అవినాష్ ఇందులో అఘోరా పాత్రలో నటిస్తున్నాడు. జగపతి బాబు, జయప్రకాష్, మురళీ శర్మ కీలక పాత్రలు పోషిస్తున్నారు. కళ్యాణ్ చక్రవర్తి డైలాగ్స్, అభే సంగీతం అందిస్తున్నారు.
