న్యూఢిల్లీ: తీర ప్రాంతాల్లో గస్తీ కోసం 26 రాఫెల్ మెరైన్ జెట్లతో పాటు మూడు అదనపు సబ్ మెరైన్లను కొనుగోలు చేయనున్నామని నేవీ చీఫ్ అడ్మిరల్ డీకే త్రిపాఠి తెలిపారు. ఆ విమానాలు, జలాంతర్గాములకు సంబంధించిన కొనుగోలు ఒప్పందం వచ్చే నెలలో జరగవచ్చని వెల్లడించారు. సోమవారం ఢిల్లీలో మీడియా సమావేశంలో త్రిపాఠి మాట్లాడారు. పాకిస్తాన్, చైనా నేవీ కార్యకలాపాలను గమనిస్తున్నామని చెప్పారు.
‘‘ఫ్రాన్స్ నుంచి రాఫెల్ మెరైన్లను కొనుగోలు చేస్తున్నాం. ఆ జెట్ విమానాల ప్రొక్యూర్ మెంట్ కీలక దశలో ఉంది. భద్రతా వ్యవహారాల క్యాబినెట్ కమిటీ ఆమోదం పొందడం ఒక్కటే మిగిలింది. అది గవర్నమెంట్ టు గవర్నమెంట్ డీల్ కావడంతో ప్రొక్యూర్ మెంట్కు పెద్దగా టైం పట్టకపోవచ్చు. ఫ్రాన్స్ నుంచి రాఫెల్ ఎం జెట్ల కొనుగోలు కోసం రక్షణ మంత్రి రాజ్నాథ్ సింగ్ నిరుడు జులైలో ఆమోదం తెలిపారు. యుద్ధ విమానాలను తీసుకెళ్లే, దేశీయంగా తయారైన ఐఎన్ఎస్ విక్రాంత్పై రాఫెల్ ఎం జెట్లను మోహరిస్తాం” అని త్రిపాఠి తెలిపారు.
