- ఏవోబీ నుంచి ఓరుగల్లుకు విచ్చలవిడిగా సప్లై అవుతున్న గంజాయి
- ఇయర్ ఎండ్ సెలబ్రేషన్స్ కోసం గుట్టుగా రవాణా
- గ్రేటర్ సిటీతోపాటు గ్రామాల్లోనూ విక్రయాలు
- సప్లయర్స్ పై నజర్ పెట్టిన పోలీసులు
హనుమకొండ, వెలుగు: ఇంకో వారం రోజుల్లో న్యూ ఇయర్ రాబోతోంది. డిసెంబర్ 31 ఇయర్ ఎండింగ్ను కొంతమంది లిక్కర్పార్టీలతో సెలబ్రేట్ చేసుకునేందుకు ప్లాన్ చేస్తుండగా, ఇంకొందరు గంజాయి కిక్కులో న్యూ ఇయర్కు వెల్కం చెప్పేందుకు రెడీ అవుతున్నారు. ఏటికేడు డిమాండ్ కు పెరుగుతుండటంతో కొంతమంది స్మగ్లర్లు గంజాయిని ఆంధ్రా-ఒడిశా బార్డర్ నుంచి గుట్టుగా ఓరుగల్లుకు చేరవేస్తున్నారు. ఇక్కడి నుంచి మారుమూల ప్రాంతాలకు కూడా చేరేలా నెట్వర్క్ మెయింటైన్చేస్తున్నారు.
ఈసారి న్యూ ఇయర్ కు ఎఫెక్ట్ ఉండకుండా వరంగల్ పోలీసులు ఇప్పటినుంచే కసరత్తు చేస్తున్నారు. యాంటీ నార్కొటిక్ బ్యూరో, లా అండ్ ఆర్డర్, టాస్క్ ఫోర్స్, తదితర వింగ్లతో ప్రత్యేక బృందాలను ఏర్పాటు చేసి గంజాయి గ్యాంగులపై నజర్పెట్టారు. గాంజా హాట్స్పాట్లు, అడ్డాలపై ఫోకస్ పెట్టి, యూజర్స్, సప్లయర్స్పై కేసులు నమోదు చేసేందుకు సిద్ధం అవుతున్నారు.
ఏవోబీ నుంచే ఇక్కడికి..
ఉమ్మడి వరంగల్ జిల్లాలో ఇదివరకు గాంజా కల్టివేషన్బాగానే జరిగేది. ఇక్కడి నుంచి వివిధ రాష్ట్రాలకు కూడా ఎక్స్పోర్టయ్యేది. ఉమ్మడి జిల్లాలో ఇప్పుడా పరిస్థితి లేదు. కొంతమంది ఆంధ్రా-, ఒడిశా బార్డర్ నుంచి ఇక్కడికి గంజాయి స్మగ్లింగ్ చేయడం మొదలుపెట్టారు.
అక్కడి మారుమూల ప్రాంతాల్లో సాగయ్యే గంజాయిని వరంగల్ మీదుగా హైదరాబాద్తోపాటు ఇతర ప్రాంతాలకు సరఫరా చేస్తున్నారు. యూత్కు గంజాయి అలవాటు చేయడమే కాకుండా కొంతమందిని సప్లయర్స్గా మారుస్తున్నారు. దీంతో ఇప్పుడు ఆ మహమ్మారి ఊళ్లకు కూడా పాకింది. కాగా, ఏవోబీ నుంచి గాంజాను తీసుకొస్తున్న గ్యాంగులు యూత్తోపాటు స్కూల్ పిల్లలకు కూడా అలవాటు చేస్తున్నాయి. నగరంలోని కొన్ని ఎడ్యుకేషనల్ ఇన్ స్టిట్యూషన్స్, హాస్టల్స్ గంజాయికి అడ్డాగా మారాయనే ఆరోపణలున్నాయి.
యూజర్స్, సప్లయర్స్పై నజర్
డిసెంబర్ 31 వచ్చిందంటే పార్టీల్లో గంజాయి మత్తు కామనైపోతోంది. ఇదే విషయం పోలీస్ ఆఫీసర్ల దృష్టిలో కూడా ఉంది. దీంతో ఈసారి న్యూ ఇయర్ సెలబ్రేషన్స్లో గంజాయికి తావులేకుండా పక్కా ప్లాన్ వేస్తున్నారు. తెలంగాణ యాంటీ నార్కొటిక్ బ్యూరోతోపాటు లా అండ్ఆర్డర్, టాస్క్ఫోర్స్ ఆధ్వర్యంలో తనిఖీలు నిర్వహిస్తున్నారు. ఈ ఏడాది ఇప్పటివరకు 150కి పైగా కేసులు నమోదు చేసి, 3.5 కోట్లకుపైగా విలువైన గంజాయిని సీజ్చేశారు. ఆదివారం హసన్పర్తి మండలం మల్లారెడ్డిపల్లి శివారులో కొత్తూరు కిషన్ అనే వ్యక్తి తన పొలంలోని పత్తి చేనులో గంజాయి మొక్కలు సాగు చేశాడు. విషయం తెలుసుకున్న పోలీసులు దాడులు నిర్వహించి కేసు నమోదు చేసి దర్యాప్తు చేస్తున్నారు. ఓ వైపు ఆఫీసర్లు తనిఖీలు చేపట్టి గంజాయిని పట్టుకుంటున్నా, సరఫరా మాత్రం ఆగడం లేదు. దీంతో న్యూ ఇయర్ నేపథ్యంలో స్పెషల్ రైడ్స్ చేపట్టేందుకు ఆఫీసర్లు రెడీ అవుతున్నారు.
హాట్స్పాట్లపై నిఘా..
వరంగల్ నగరంలో చాలా గంజాయి హాట్స్పాట్లు ఉన్నాయి. వరంగల్, కాజీపేట రైల్వే స్టేషన్లు, క్వార్టర్లు, హనుమకొండ, వరంగల్ బస్టాండ్ ఏరియాలతోపాటు రింగ్ రోడ్డు చుట్టుపక్కల ప్రాంతాలు, మడికొండ ఇండస్ట్రియల్ ఏరియా, ఖిలా వరంగల్, ఎర్రగట్టుగుట్ట, అనంతసాగర్, గోపాలపూర్, కోమటిపల్లి తదితర శివారు ప్రాంతాల్లో గంజాయి హాట్స్పాట్లను ఆఫీసర్లు గతంలో గుర్తించారు. ఇలాంటి ఏరియాలపై నిఘా పెట్టేందుకు యాంటీ నార్కొటిక్ బ్యూరో ఆధ్వర్యంలో మూడు స్పెషల్ టీమ్లు ఇప్పటికే తనిఖీలు నిర్వహిస్తుండగా, న్యూ ఇయర్ నేపథ్యంలో లా అండ్ ఆర్డర్, టాస్క్ ఫోర్స్ సిబ్బంది కూడా స్పెషల్ ఫోకస్ పెట్టారు.
ప్రత్యేక బృందాలతో తనిఖీలు
ఉమ్మడి వరంగల్ జిల్లాలో గంజాయితోపాటు ఇతర మత్తు పదార్థాల నియంత్రణకు తగిన చర్యలు తీసుకుంటున్నాం. తెలంగాణ నార్కొటిక్ బ్యూరో ఆధ్వర్యంలో తనిఖీలు చేపట్టి ఇప్పటివరకు మొత్తంగా 1,150 కిలోల గంజాయి పట్టుకుని, 33 కేసులు నమోదు చేశాం. న్యూ ఇయర్ నేపథ్యంలో ప్రత్యేక బృందాలతో తనిఖీలు నిర్వహిస్తున్నాం. గంజాయి సప్లయర్స్, స్మోకర్స్ఆటకట్టిస్తాం. యువత మత్తు పదార్థాలకు దూరంగా ఉండటం మంచిది.- కె.సైదులు, డీఎస్పీ, యాంటీ నార్కోటిక్ బ్యూరో, వరంగల్
