నిజామాబాద్అర్బన్, వెలుగు: పట్టణ ప్రాంతాల్లోని పేదలకు మెరుగైన వైద్యం అందించడానికి డివిజన్కు ఓ బస్తీ దవాఖానా ఏర్పాటు చేస్తున్నామని చెప్పిన ప్రభుత్వ హామీలు ఏమయ్యాయని బీజేపీ రాష్ట్ర కార్యవర్గ సభ్యుడు ధన్పాల్ సూర్యనారాయణ ప్రశ్నించారు. గడపగడపకు బీజేపీలో భాగంగా బుధవారం నగరంలోని 41వ డివిజన్లో పర్యటించారు. ఆయన మాట్లాడుతూ.. సీఎం కేసీఆర్ మాయమాటలు చెప్పి ప్రజలను మోసం చేస్తున్నారే తప్పా, చేసిన అభివృద్ధి ఏమీ లేదన్నారు.
ఒకటోరెండో చోట్ల బస్తీ దవాఖానాలున్నా, అందులో సరైన వసతులు లేవన్నారు. రేషన్కార్డులు అందక, డబుల్ బెడ్రూమ్ ఇండ్లు మంజూరుకాక, అర్హులైనవారికి కొత్త పింఛన్లు లేక నగరవాసులు ఇబ్బందులు పడుతున్నారన్నారు. ప్రజలందరూ అవకాశం కోసం ఎదురుచూస్తున్నారని, వచ్చే అసెంబ్లీ ఎన్నికల్లో బీఆర్ఎస్ను ఓడించడం ఖాయమన్నారు. ఆయన వెంట కార్పోరేటర్ ఇందిరా, లీడర్లు లక్ష్మీనారాయణ, సుధీర్, వినోద్రెడ్డి, ప్రభాకర్, కిషన్ పాల్గొన్నారు.
