పీఎం 10 అంటే 10 మైక్రోమీటర్లు లేదా అంతకంటే తక్కువ వ్యాసం కలిగిన కణ పదార్థాన్ని సూచిస్తుంది. ఈ కణాలు శ్వాసకోశ వ్యవస్థలోకి చొచ్చుకుపోయి ఆరోగ్య సమస్యలకు దారితీస్తాయి. స్వల్పకాలిక బహిర్గతం ఆస్తమా, దీర్ఘకాలిక అబస్ట్రక్టివ్ పల్మనరీ వ్యాధిని తీవ్రతరం చేస్తుంది. దీర్ఘకాలిక బహిర్గతం తీవ్రమైన ఆరోగ్య పరిస్థితుల ప్రమాదాన్ని పెంచుతుంది. ఇవి వాహనాలు, పరిశ్రమలు, నిర్మాణ కార్యకలాపాల నుంచి వచ్చే దుమ్ము, పుప్పొడి, బూజు, ఉద్గారాలు వీటికి ఉదాహరణలుగా చెప్పవచ్చు.
పీఎం10 స్థాయిలు పెరగడానికి కారణాలు
వాహన ఉద్గారాలు: పెరిగిన ట్రాఫిక్ అధిక ఉద్గారాలకు దారి తీస్తుంది.
నిర్మాణ కార్యకలాపాలు: క్రమబద్ధీకరించని భవన నిర్మాణ ప్రాజెక్టులు దుమ్మును ఉత్పత్తి చేస్తాయి.
వ్యర్థాలను కాల్చడం: వ్యర్థాలను బహిరంగంగా కాల్చడం వల్ల హానికరమైన కణాలు విడుదలవుతాయి.
పారిశ్రామిక కార్యకలాపాలు: కర్మాగారాలు ఉత్పత్తి సమయంలో కాలుష్య కారకాలను విడుదల చేస్తాయి.
వ్యవసాయ పద్ధతులు: పంట అవశేషాలను కాల్చడం ముఖ్యంగా ఉత్తరాది రాష్ట్రాల్లో దోహదపడుతుంది.
పీఎం10 లక్షణాలు
- అకర్బన సమ్మేళనాలు, భారీ లోహాలు, జీవ సంబంధమైన పదార్థాలను కలిగి ఉంటుంది.ప్రాథమిక కణాలు (నేరుగా విడుదలయ్యేవి), ద్వితీయ కణాలు(గాలిలో రసాయన ప్రతి చర్యల ద్వారా ఏర్పడతాయి) రెండింటినీ కలిగి ఉంటుంది.
- వాహనాలు ఉద్గారాలు, నిర్మాణం, పారిశ్రామిక కార్యకలాపాలు, వ్యర్థాల దహనం వంటి వనరులు ఉన్నాయి.
