వనపర్తి/పెద్దమందడి, వెలుగు: పెద్దమందడి మండలం మద్దిగట్ల గ్రామ శివారులో సంక్రాంతి పండుగ సందర్భంగా సోమవారం కోడి పందేలు ఆడుతున్న వారిని అదుపులోకి తీసుకుని కేసు నమోదు చేసినట్లు ఎస్సై యుగంధర్రెడ్డి తెలిపారు. పక్కా సమాచారంతో కోడి పందేల స్థావరంపై దాడి చేసి 13 మందిని అదుపులోకి తీసుకుని, ఆరు కోళ్లు, 5 బైకులు, 9 సెల్ఫోన్లు, రూ.20,600 నగదును స్వాధీనం చేసుకున్నట్లు చెప్పారు.
మరోవైపు వనపర్తి రూరల్ పోలీస్ స్టేషన్ పరిధిలోని ఎద్దులగేరి శివారులో కోడి పందెం స్థావరంపై పోలీసులు దాడి చేసి ఆరుగురిని అదుపులోకి తీసుకున్నారు. ఎద్దులగేరి గ్రామ శివారులో కొందరు కోడి పందేలు ఆడుతున్నారని పక్కా సమాచారంతో దాడి చేసి ఆరుగురిని అదుపులోకి తీసుకున్నట్లు రూరల్ ఎస్సై జలంధర్రెడ్డి తెలిపారు. నాలుగు బైక్లు, 5 సెల్ ఫోన్లు, నాలుగు కోడి పుంజులు, రూ.7,350 నగదు స్వాధీనం చేసుకున్నట్లు చెప్పారు. కేసు నమోదు చేసి దర్యాప్తు చేస్తున్నట్లు ఎస్సై తెలిపారు.
