భద్రాద్రికొత్తగూడెం/ సుజాతనగర్, వెలుగు: కొత్తగూడెం జిల్లా కేంద్రం రామవరం ప్రాంతంలోని పలు పోలింగ్ స్టేషన్ల బిల్డింగులను, ఇంటిగ్రేటెడ్ వెజ్, నాన్ వెజ్మార్కెట్పనులు జరుగుతున్న తీరును కలెక్టర్ప్రియాంక అలా బుధవారం పరిశీలించారు. రామవరంలోని 181, 182, 184, 185, 186, 187 పోలింగ్స్టేషన్ల బిల్డింగుల్లో కరెంట్ సప్లై లేకపోవడం గుర్తించి అసహనం వ్యక్తం చేశారు. బాధ్యులైన అధికారులపై మండిపడ్డారు. కరెంట్లేకుండా పోలింగ్స్టేషన్లు ఎలా ఏర్పాటు చేయాలని ప్రశ్నించారు.
వెంటనే పనులు చేపట్టాలని ఆదేశించారు. మన ఊరు- మన బడి నివేదికలకు, క్షేత్ర స్థాయిలో చేసిన పనులకు చాలా తేడాలున్నాయన్నారు. వారం రోజుల్లో పనులు పూర్తిచేయాలని కాంట్రాక్టర్లతో పాటు ఆఫీసర్లను ఆదేశించారు. మార్కెట్ పనులు నత్తనడకన సాగడంపై అసహనం వ్యక్తం చేశారు. అనంతరం కలెక్టరేట్నుంచి వివిధ శాఖల ఆఫీసర్లు, రిటర్నింగ్, అసిస్టెంట్రిటర్నింగ్ఆఫీసర్లతో వీడియో కాన్ఫరెన్స్నిర్వహించారు. పోలింగ్కేంద్రాల్లోని సౌకర్యాలపై తప్పుడు నివేదికలు ఇస్తే చర్యలు తప్పవని కలెక్టర్ప్రియాంక హెచ్చరించారు. సుజాతనగర్ మండలంలోని సింగభూపాలెం చెరువులో సుమారు 3.70 లక్షల రొయ్య పిల్లలను జిల్లా కలెక్టర్ ప్రియాంక బుధవారం వదిలారు.
