- రామగుండం ఎమ్మెల్యే రాజ్ఠాకూర్
గోదావరిఖని, వెలుగు: పాలకుర్తి మండలంలోని బండలవాగు ప్రాజెక్ట్ పూర్తయిందని, త్వరలోనే ప్రారంభిస్తామని రామగుండం ఎమ్మెల్యే ఎంఎస్ రాజ్ఠాకూర్ తెలిపారు. సంక్రాంతి పండుగ సందర్భంగా పాలకుర్తి మండలం కుక్కలగూడూరు గ్రామంలో బుధవారం ఎడ్ల బండ్ల ర్యాలీ, ముగ్గుల పోటీ, పతంగుల పోటీలకు ఎమ్మెల్యే హాజరయ్యారు. ఈ సందర్భంగా ఆయన మాట్లాడుతూ బండలవాగు ప్రాజెక్ట్ కింద 15 వేల ఎకరాల ఆయకట్టు ఉందన్నారు.
పాలకుర్తి మండలంలో రైతులకు నిత్యం సాగునీరు అందించేందుకు ఈ ప్రాజెక్ట్ను నిర్మించామన్నారు. గోదావరిఖని కల్చరల్ క్లబ్ ఆధ్వర్యంలో మకర సంక్రాంతి సందర్భంగా పీజీ కాలేజీ గ్రౌండ్లో కైట్ ఫెస్టివల్ నిర్వహించగా ఎమ్మెల్యే రాజ్ఠాకూర్ హాజరై పతంగులు ఎగురవేశారు. వేర్వేరు కార్యక్రమాల్లో ఎమ్మెల్యే సతీమణి మనాలీ ఠాకూర్, లీడర్లు మహాంకాళి స్వామి, దీటి బాలరాజు పాల్గొన్నారు.
జర్నలిస్ట్ కుటుంబానికి రూ.లక్ష ఆర్థిక సాయం
ఇటీవల గుండెపోటుతో చనిపోయిన గోదావరిఖనికి చెందిన టీవీ జర్నలిస్ట్ సిరిశెట్టి చిరంజీవి కుటుంబానికి రామగుండం ఎమ్మెల్యే ఎంఎస్ రాజ్ఠాకూర్ రూ.లక్ష ఆర్థిక సహాయం చేశారు. మంగళవారం రాత్రి గోదావరిఖని గాంధీనగర్‌‌‌‌‌‌‌‌లోని వారి నివాసానికి వెళ్లి జర్నలిస్ట్ భార్య రాజసులోచనకు నగదును అందించి తన ఔదార్యాన్ని చాటుకున్నారు. కార్యక్రమంలో గోదావరిఖని ప్రెస్ క్లబ్ అధ్యక్షుడు పూదరి కుమార్, ఎలక్ట్రానిక్ మీడియా ప్రెసిడెంట్బైరం సతీశ్‌, ప్రెస్‌‌‌‌క్లబ్ ప్రతినిధులు సత్యనారాయణ, రాజ్కుమార్, శంకర్, శ్రీనివాస్, రమేశ్‌, వరుణ్, హకీమ్, పాల్గొన్నారు.
