- రంగారెడ్డి జిల్లా ఆర్టీఏకు ఒక్కరోజే రూ.37 లక్షల ఆదాయం
- టీజీ 07 పీ 9999 విలువ రూ.9 లక్షల 87 వేలు
హైదరాబాద్సిటీ, వెలుగు: మణికొండలోని రంగారెడ్డి జిల్లా ఆర్టీఏ ఆఫీసులో శనివారం నిర్వహించిన ఫ్యాన్సీ నంబర్ల వేలంలో కాసుల వర్షం కురిసింది. ఒక్కరోజే రూ.37లక్షల29వేల690 ఆదాయం వచ్చింది. టీజీ 07 పీ 9999 నంబర్ను ముప్ప ప్రాజెక్ట్స్ ఇండియా ప్రైవేట్ లిమిటెడ్ అనే సంస్థ వేలంలో అత్యధికంగా రూ.9 లక్షల 86 వేల 999కు సొంతం చేసుకుంది.
అలాగే టీజీ 07 ఆర్ 0009 నంబర్ను కేఎల్ఎస్ఆర్ ఇన్ఫ్రాటెక్ లిమిటెడ్ సంస్థ రూ.7.50 లక్షలకు దక్కించుకుందని ఆర్టీఏ అధికారులు తెలిపారు. మొత్తం 106 మంది ఆయా ఫ్యాన్సీ నంబర్ల కోసం వేలంలో పాల్గొన్నారన్నారు. వేలం ద్వారా రూ.37లక్షల29వేల690 వచ్చినట్టు వెల్లడించారు.
