బెల్లంపల్లి, వెలుగు: కుటుంబ సర్వే చేపట్టనున్న నేపథ్యంలో బెల్లంపల్లి మున్సిపాలిటీలో జరుగుతున్న హౌస్ లిస్టింగ్ పనులను స్పీడప్ చేసి ఈ నెల 5వ తేదీ లోగా పూర్తిచేయాలని ఆర్డీవో పి.హరికృష్ణ ఆదేశించారు. కుటుంబ సర్వేపై ఆదివారం పట్టణంలోని మున్సిపల్ ఆఫీస్లో మున్సిపల్ కమిషనర్ శ్రీనివాసరావు ఆధ్వర్యంలో కౌన్సిలర్లు, స్టాఫ్తో రివ్యూ నిర్వహించారు. హాజరైన ఆర్డీవో హౌస్ లిస్టింగ్ పనుల గురించి అడిగి తెలుసుకున్నారు. ఈ నెల 6 నుంచి ప్రారంభం కానున్న సర్వేకు పట్టణంలోని ప్రజలు సహకరించాలని కోరారు.
మున్సిపల్ కమిషనర్ శ్రీనివాసరావు మాట్లాడుతూ.. మున్సిపాలిటీలో ఇంటి నెంబర్లు ఉన్న, లేని నివాసాలను గుర్తించాలన్నారు. మున్సిపాలిటీలోని 34 వార్డుల్లో 130 మంది ఎన్యుమరేటర్లు, 12 మంది సూపర్ వైజర్లతో సర్వే చేపట్టనున్నట్లు తెలిపారు. సమావేశంలో మున్సిపల్ చైర్పర్సన్ జక్కుల శ్వేత, పలువురు కౌన్సిలర్లు, మున్సిపల్ సిబ్బంది, ఎన్యుమరేటర్లు, సూపర్వైజర్లు పాల్గొన్నారు.
