- ఖైరతాబాద్ ఎమ్మెల్యే దానం నాగేందర్
బషీర్ బాగ్, వెలుగు: అధికారులకు చిత్తశుద్ధి ఉంటే పాతబస్తీ నుంచి ఫుట్ పాత్ ఆక్రమణల తొలగింపు మొదలుపెట్టాలని ఖైరతాబాద్ ఎమ్మెల్యే దానం నాగేందర్ డిమాండ్చేశారు. గురువారం ఆయన ఆదర్శ్ నగర్ ఎమ్మెల్యే క్వార్టర్స్ లో కల్యాణలక్ష్మి, షాదీముబారక్, సీఎం రిలీఫ్ ఫండ్ లబ్ధిదారులకు చెక్కులు పంపిణీ చేశారు.
ఈ సందర్భంగా దానం మాట్లాడుతూ.. ఆక్రమణల తొలగింపులో అధికారులు ఏకపక్షంగా వ్యవహరిస్తున్నారని మండిపడ్డారు. పేదల జీవనాధారాన్ని దెబ్బతీయడం కరెక్ట్కాదని చెప్పారు. అధికారుల పనులతో తాము జనంలో తిరగలేకపోతున్నామని, పబ్లిక్ నోటీసులు ఇవ్వకుండా కూల్చివేతలు చేపట్టడం కరెక్ట్కాదన్నారు. పాతబస్తీలోని అక్రమ నిర్మాణాలు అధికారులకు కనిపించడం లేదా అని ప్రశ్నించారు.
తాను హైదరాబాద్లోనే పుట్టి పెరిగిన వాడినని, సిటీ ప్రజలకు అన్యాయం జరిగితే చూస్తూ ఉండలేనన్నారు. అధికారులకు పూర్తి స్వేచ్ఛ ఇస్తే ప్రభుత్వాలకు మనుగడ ఉండదన్నారు.చెరువులను కాపాడేందుకు తీసుకొచ్చిన హైడ్రానుస్వాగతిస్తున్నామన్నారు. మాదాపూర్ లో ఫుట్ పాత్పై ఉన్న కుమారి ఆంటీ షాపును తొలగించినప్పుడు సీఎం స్పందించి మినాయింపు ఇచ్చారని, అవే ఆదేశాలను ఖైరతాబాద్చింతల్బస్తీలోనూ పరిగణనలోకి తీసుకోవాలని కోరారు.
