వాషింగ్టన్: తమ ఈ మెయిళ్లు హ్యాక్అయ్యాయని అమెరికా మాజీ అధ్యక్షుడు, రిప్లబికన్పార్టీ అభ్యర్థి డొనాల్డ్ట్రంప్ ఎలక్షన్క్యాంపెయినింగ్టీం పేర్కొంది. ఇది ఇరాన్ నటుల పనేనని ఆరోపించింది. తమ సున్నితమైన ఇంటర్నల్డాక్యుమెంట్స్ను దొంగిలించి, బహిర్గతం చేశారని తెలిపింది. అయితే ఇందులో ఇరాన్ పాత్ర ఉందనేందుకు కచ్చితమైన ఆధారాలను మాత్రం ట్రంప్ బృందం వెల్లడించలేదు.
2024లో అమెరికా ప్రెసిడెన్షియల్ ఎలక్షన్స్లో ఫారిన్ ఏజెంట్లు చొరబడ్డారని టెక్కంపెనీ మైక్రోసాఫ్ట్ ఆరోపించింది. ముఖ్యంగా ట్రంప్‌‌‌‌ను లక్ష్యంగా చేసుకొని ఇరాన్ సైబర్‌ దాడులకు పాల్పడుతున్నదని ఓ నివేదికలో వెల్లడించింది. ఈ నివేదిక విడుదలైన మరుసటిరోజే తమ ఈమెయిల్స్ హ్యాక్ అయినట్టు ట్రంప్ ప్రచార బృందం నుంచి ప్రకటన వెలువడింది.
అమెరికా విదేశాంగ శాఖ స్పందన
ట్రంప్ టీమ్ ఆరోపణలపై అమెరికా విదేశాంగ శాఖ స్పందించింది. తమ దేశ ఎన్నికల్లో విదేశీ జోక్యాన్ని అతి తీవ్రంగా పరిగణిస్తున్నట్టు పేర్కొన్నది. ఇలాంటి వాటిని సహించబోమని తేల్చి చెప్పింది. తమ ప్రజాస్వామ్య వ్యవస్థలను బలహీనపర్చేందుకు చేసే ఎలాంటి కార్యకలాపాలనైనా తిప్పికొడతామని పేర్కొంది.
