యాదాద్రి, వెలుగు : కేంద్ర ప్రభుత్వం అమలు చేస్తున్న విశ్వకర్మ పథకం ద్వారా చేతి, కుల వృత్తిదారులు ఆర్థికంగా బలోపేతం కావాలని యాదాద్రి కలెక్టర్హనుమంతు జెండగే సూచించారు. కలెక్టరేట్లో విశ్వకర్మ పథకం అమలుపై రివ్యూ మీటింగ్ జరిగింది. ఈ సందర్శంగా ఇప్పటివరకు 7,627 అప్లికేషన్లు వచ్చాయని ఆఫీసర్లు చెప్పారు. వీటిలో 3,771 అప్లికేషన్లను జిల్లా, మరో 3,771 అప్లికేషన్లను రాష్ట్ర స్థాయికి పంపించినట్టు ఆఫీసర్లు వివరించారు. అనంతరం కలెక్టర్మాట్లాడుతూ అర్హులైనవారికి విశ్వకర్మ పథకం ద్వారా లబ్ధిచేకూర్చాలని, అప్లికేషన్చేసుకునే విధానంపై గ్రామ, పట్టణ స్థాయిలో అవగాహన కార్యక్రమాలు చేపట్టాలని సూచించారు.
18 రకాల చేతి, కుల వృత్తులపై ఆధారపడి జీవనం సాగిస్తున్న వారిలో సామర్థ్యం మెరుగుపరిచి ఉత్పత్తులను పెంచడమే ఈ పథకం ఉద్దేశ్యమని తెలిపారు. ప్రభుత్వ ఉద్యోగులు లేని ప్రతి కుటుంబం నుంచి ఒక్కరికి మాత్రమే అప్లికేషన్చేసుకునే అవకాశం ఉందని చెప్పారు. శిక్షణ కాలంలో ప్రతి రోజు రూ.500 ఇవ్వడంతోపాటు శిక్షణ అనంతరం రూ.15 వేల విలువైన టూల్కిట్స్తోపాటు ధ్రువీకరణ పత్రం ఇస్తామన్నారు. వీరికి రెండు విడతల్లో రూ.3 లక్షల రుణం అందిస్తామని తెలిపారు. సమావేశంలో అడిషనల్కలెక్టర్గంగాధర్, పరిశ్రమల అధికారి రాజేశ్వర్ రెడ్డి, ఎంఎస్ఎంఈ సహాయ సంచాలకులు సుమతి, లీడ్ బ్యాంక్ అధికారి శివరామకృష్ణ, బీసీ, ఎస్సీ, మత్స్యశాఖ ఆఫీసర్లు పాల్గొన్నారు.
