- 3 గుళ్లు కట్టించి, గడపకో వెయ్యి పంచేందుకు సిద్ధమైన అభ్యర్థి
- మాటతప్పి వేరేవాళ్లు నామినేషన్ వేస్తే.. రూ.50 లక్షల జరిమానా
- గ్రామస్తుల సమక్షంలో ఒప్పంద పత్రం..విజయోత్సవ వేడుకలు
- వరంగల్ జిల్లా చెరువుకొమ్ము తండాలో ఘటన
పర్వతగిరి(వరంగల్), వెలుగు: రాష్ట్రంలో ఇంకా పంచాయతీ ఎన్నికల షెడ్యూల్రాలేదు. కానీ ఆ గ్రామంలో మాత్రం సర్పంచ్ఎన్నికలు ఏకగ్రీవమయ్యాయి. మూడు గుళ్లు కట్టించి, గడపకో రూ.వెయ్యి పంచేందుకు సిద్ధమైన అభ్యర్థికి ఊరోళ్లంతా జై కొట్టారు. అగ్రిమెంట్రాసిన అనంతరం విజయోత్సవ వేడుకలు కూడా జరుపుకున్నారు. వరంగల్ జిల్లా పర్వతగిరి మండలం చెరువుకొమ్ము తండాలో ఈ ఘటన జరిగింది. చెరువుకొమ్ము తండాలో దాదాపు 883 మంది జనాభా, 700 మంది ఓటర్లు ఉన్నారు. కాగా, తనను సర్పంచ్గా ఏకగ్రీవం చేస్తే సొంత పైసలతో ఊరిలో బొడ్రాయి, పోచమ్మతల్లి, ఆంజనేయుడికి మూడు గుళ్లు కట్టిస్తానని, విగ్రహాలు పెట్టిస్తానని, బొడ్రాయి పండుగ ఖర్చు కోసం గడప గడపకు రూ.1000 చొప్పున పంచుతానని దరావత్ బాలాజీ అనే వ్యక్తి ముందుకొచ్చాడు.
Also Read:-ఫిరాయింపు ఎమ్మెల్యేలపై నాలుగు వారాల్లో నిర్ణయం తీసుకోండి
ఇందుకోసం వచ్చే సర్పంచ్ ఎన్నికల్లో ఎవరూ పోటీచేయకుండా, తనను ఏకగ్రీవం చేయాలని కండిషన్పెట్టాడు. దీనికి ఒప్పుకున్న గ్రామస్తులు..సర్పంచ్అయ్యాక మాట తప్పితే ఎలా అని ప్రశ్నించారు. దీంతో ఎన్నికలు రాకముందే ఈ పనులన్నీ పూర్తిచేస్తానని దరావత్ బాలాజీ మాట ఇచ్చారు. దీంతో సోమవారం ఊరోళ్లంతా గ్రామంలో మీటింగ్ పెట్టి అగ్రిమెంట్పేపర్ రాసుకొని.. సర్పంచ్ అభ్యర్థి, గ్రామస్తులతో సంతకాలు పెట్టించారు.
గడువులోగా పనులు పూర్తయితే.. కేవలం బాలాజీ ఇంటి నుంచి మాత్రమే నామినేషన్ వేయాలని, దీనిని అతిక్రమించిఎవరు నామినేషన్ వేసినా బాలాజీకి రూ.50 లక్షలు జరిమానా చెల్లించాలని అగ్రిమెంట్లో రాసుకున్నారు. ఒప్పందపత్రంపై ఇరుపక్షాలవారు సంతకాలు చేయగానే సర్పంచ్అభ్యర్థితోపాటు గ్రామస్తులంతా రంగులు చల్లుకుని, వేడుకలు చేసుకున్నారు.
