- సెట్ కన్వీనర్, ఎస్సీ గురుకుల సెక్రటరీ అలుగు వర్షిణి
హైదరాబాద్, వెలుగు: గురుకులాల్లో 5వ తరగతి ప్రవేశాలను ఎంట్రెన్స్ ఎగ్జామ్ లో వచ్చిన మార్కులు, ఖాళీల ప్రకారం భర్తీ చేస్తామని సెట్ కన్వీనర్, ఎస్సీ గురుకుల సెక్రటరీ అలుగు వర్షిణి తెలిపారు. అడ్మిషన్ పొందిన విద్యార్థులకు వారు రిజిస్టర్ చేసుకున్న ఫోన్కు ఎస్ ఎంఎస్ వస్తుందని, పాఠశాల ప్రిన్సిపాల్ కూడా అధికారికంగా సమాచారం ఇస్తారని తెలిపారు. ఈ అంశంపై స్టూడెంట్స్, పేరెంట్స్ ఆందోళన చెందాల్సిన అవసరం లేదన్నారు. మెరిట్ లిస్ట్ / సెలక్షన్ లిస్ట్ ను ఎస్సీ గురుకుల అధికారిక వెబ్సైట్లో అందుబాటులో ఉంచినట్టు మంగళవారం తెలిపారు.
ఈ వెబ్ సైట్ లో ఉంచిన మెరిట్ లిస్టును మాత్రమే అధికారిక మెరిట్ లిస్ట్ గా పరిగణించాలని, ఇతరులు, సొసైటీకి సంబంధంలేని వెబ్ సైట్లు, అనధికారిక లిస్టులను చూపిస్తే మోసపోవద్దన్నారు. ఆయా పాఠశాలలో ఖాళీలను బట్టి విద్యార్థులకు ఫేజ్ 1, ఫేజ్ 2 తర్వాత దశలవారీగా సీట్లను కేటాయిస్తామన్నారు.
