- నగదు, పందెం కోళ్లు, బైక్ స్వాధీనం
మెదక్ టౌన్, వెలుగు : పట్టణంలో కోడిపందాలు నిర్వహిస్తున్న ఏడుగురిని అరెస్టు చేసి కేసు నమోదు చేసి కేసు నమోదు చేశారు. టౌన్ సీఐ నాగరాజు తెలిపిన వివరాల ప్రకారం... మెదక్ పట్టణంలోని దుర్గాకాలనీలో కోడిపందాలు నిర్వహిస్తున్నట్లు సమాచారం అందడంతో దాడులు నిర్వహించామన్నారు.
ఈ దాడుల్లో ఏడుగురిని అదుపులోకి తీసుకోవడంతో పాటు... రూ.2,120 నగదు, రెండు పందెం కోళ్ళు, ఒక బైక్, నలభై కోడి కత్తులు స్వాధీనం చేసుకున్నట్లు పేర్కొన్నారు. కేసు నమోదు చేసి దర్యాప్తు చేస్తున్నట్లు సీఐ నాగరాజు తెలిపారు.
