గోదావరిఖని, వెలుగు: సింగరేణి ఆర్జీ 1 ఏరియా పరిధిలోని జీడీకే 2వ గనిలో కోల్కట్టర్ పనిచేసే గొల్లపల్లి నరేశ్ కుమార్ (32) శుక్రవారం గుండెపోటుకు గురై చనిపోయాడు. యైటింక్లయిన్ కాలనీలో నివాసముండే నరేశ్ కుమార్ యథావిధిగా జనరల్ షిప్ట్ డ్యూటీకి వచ్చి ఉదయం 7.05 గంటలకు హాజరు వేసుకున్నాడు.అనంతరం ఆకస్మాత్తుగా కిందపడ్డాడు.
తోటి కార్మికులు, ఆఫీసర్లు అంబులెన్స్ సింగరేణి ఏరియా హాస్పిటల్కు తరలించగా అప్పటికే మృతి చెందినట్టు డాక్టర్లు నిర్ధారించారు. తండ్రి రాయమల్లు సింగరేణిలో ఉద్యోగం చేయగా, డిపెండెంట్కింద నరేశ్ కుమార్ కు మూడు సంవత్సరాల క్రితం జనరల్ మజ్దూర్గా ఉద్యోగంలో చేరాడు. ఇటీవలే కోల్ కట్టర్గా ప్రమోషన్ రాగా, శుక్రవారం నుంచే ఆయన ఆ డ్యూటీ చేయాల్సి ఉంది. నరేష్ కుమార్కు భార్య సంఘవి, తల్లిదండ్రులు రాయమల్లు, భాగ్య ఉన్నారు.
