- హిమాచల్ లోని శిఖరం ఎక్కి ఘనత సాధించిన ‘ఖని’ వాసీ
గోదావరిఖని, వెలుగు: తెలంగాణకు చెందిన విద్యార్థి హిమాచల్ ప్రదేశ్ కులు మనాలిలోని 4, 470 మీటర్ల ఎత్తైన ‘మౌంట్ పతల్స్’ పర్వతాన్ని ఎక్కి భేష్ అనిపించాడు. మంచిర్యాల జిల్లా గోదావరిఖని అడ్డగుంటపల్లికి చెందిన రావడి సాయి సంప్రిత్ కరీంనగర్ జిల్లా తిమ్మాపూర్ లోని శ్రీచైతన్య ఢిపెన్స్అకాడమీలో ఇంటర్ఫస్ట్ ఇయర్ చదువుతున్నాడు.గిన్నిస్ రికార్డు గ్రహీత మహిపాల్రెడ్డి, కోచ్ శివరామకృష్ణ శిక్షణలో భాగంగా అకాడమీ తరఫున సోమవారం పల్స్ పర్వతం ఎక్కి రికార్డు సాధించాడు.
రాష్ట్ర ప్రభుత్వం ప్రతిష్టాత్మకంగా చేపట్టిన ‘ఎస్ ఫర్ లైఫ్..సే నో టు డ్రగ్స్’ నినాదంతో యువతకు డ్రగ్స్ పై అవగాహన కల్పించే లక్ష్యంతో పర్వతాన్ని ఎక్కినట్టు సాయిసంప్రిత్ తెలిపారు. పర్వతారోహణకు దాదాపు 12 గంటల సమయం పట్టిందని చెప్పాడు. విద్యార్థి తల్లిదండ్రులు, కోచ్ ఆనందం వ్యక్తం చేశారు.
