హైదరాబాద్, వెలుగు: ఉమ్మడి మహబూబ్నగర్ జిల్లాకు చెందిన ఇద్దరు సీనియర్ లీడర్లు ఆదివారం బీఆర్ఎస్లో చేరారు. మాజీ ఎమ్మెల్యే, కాంగ్రెస్ నేత ఎర్ర శేఖర్ బేగంపేట క్యాంపు ఆఫీస్లో కేటీఆర్ సమక్షంలో బీఆర్ఎస్లో చేరారు. మాజీ మంత్రి, బీజేపీ నాయకుడు పి.చంద్రశేఖర్ తెలంగాణ భవన్లో మండలి డిప్యూటీ చైర్మన్ బండ ప్రకాశ్, మంత్రి శ్రీనివాస్ గౌడ్ సమక్షంలో కారెక్కారు. తర్వాత కేటీఆర్ను మర్యాదపూర్వకంగా కలిశారు.
ఎర్ర శేఖర్.. జడ్చర్ల, నారాయణపేటలో ఏదో ఒక స్థానం నుంచి కాంగ్రెస్ టికెట్ ఆశించారు. రెండూ దక్కకపోవడంతో పార్టీ వీడారు. ఆయనకు కేటీఆర్ కండువా కప్పి బీఆర్ఎస్లోకి ఆహ్వానించారు. తెలంగాణ ఏర్పడిన తర్వాత బీసీల ఆర్థిక స్థితిగతులు మారాయని, ఆత్మగౌరవంతో బతికేలా కేసీఆర్ ఎన్నో స్కీమ్లు తీసుకొచ్చారని ఎర్ర శేఖర్ అన్నారు. పి.చంద్రశేఖర్ మాట్లాడుతూ.. తెలంగాణ సాధించిన తర్వాత కొన్ని ప్రత్యేక పరిస్థితుల్లో బీఆర్ఎస్ వీడానని అన్నారు.
