- ఉత్తర్వులు జారీ చేసిన విద్యా శాఖ
హైదరాబాద్, వెలుగు: ఉన్నత విద్యలో దివ్యాంగులకు 5 శాతం రిజర్వేషన్లు కల్పిస్తూ రాష్ట్ర ప్రభుత్వం నిర్ణయం తీసుకుంది. గురువారం విద్యా శాఖ సెక్రటరీ యోగితా రాణా జీవో జారీ చేశారు. ప్రభుత్వం సూచించిన రూల్స్ మేరకు 40 శాతం కంటే ఎక్కువ వైకల్యం ఉన్న వారికి 5 ఏండ్ల ఏజ్ రిలాక్సేషన్, 5 శాతం రిజర్వేషన్లు వర్తిస్తాయని ప్రభుత్వం ఉత్తర్వుల్లో పేర్కొంది. దివ్యాంగుల హక్కుల చట్టంలోని నిబంధనల మేరకు ఈ చర్యలు చేపట్టింది.
అంధత్వం, బధిరులు, మరుగుజ్జులు, యాసిడ్ బాధితులు, కండరాలు సరిగా పనిచేయని వాళ్లు, ఆటిజం, మానసిక వైకల్యం, చెవుడు తదితర వైకల్యం ఉన్న వారిని ఐదు కేటగిరీలుగా విభజించి, ఒక్కో కేటగిరీకి ఒక శాతం రిజర్వేషన్ను అమలు చేయనుంది. వికలాంగుల కేటగిరీలో భర్తీ కాకుండా మిగిలిన సీట్లను మహిళలు, బీసీ, ఎస్సీ, ఎస్టీ, ఈడబ్ల్యూఎస్ వాళ్లతో భర్తీ చేస్తామని ఉత్తర్వుల్లో స్పష్టం చేశారు.
