- రెపరెపలాడిన త్రివర్ణ పతాకాలు
- తెలంగాణ స్వరాష్ర్ట ఆవిర్భావ వేడుకలు
- అంబరాన్నంటాయి. ఆదివారం ఉమ్మడి వరంగల్జిల్లా
వ్యాప్తంగా సంబురాలు ఘనంగా నిర్వహించారు. వరంగల్, హనుమకొండ, మహబూబాబాద్, ములుగు, భూపాలపల్లి, జనగామ జిల్లా కేంద్రాల్లోని కలెక్టరేట్లలో కలెక్టర్లు జెండాలు ఎగురవేశారు. తెలంగాణ గీతాన్ని ఆలపించారు. అంతకుముందు అమరవీరుల స్తూపాలకు పూలమాలలు వేసి నివాళులర్పించారు. అనంతరం పోలీసుల గౌరవ వందనం స్వీకరించారు.
ఆయా జిల్లాల్లోని ప్రభుత్వ, ప్రైవేట్ కార్యాలయాలు, సంస్థలు, పార్టీ ఆఫీస్లు, చౌరస్తాల్లో తెలంగాణ అవతరణ వేడుకలను జరుపుకొన్నారు. పలుచోట్ల గాంధీ విగ్రహాలకు, సోనియా గాంధీ చిత్రపటాలకు క్షీరాభిషేకాలు చేశారు. - వరంగల్నెట్వర్క్, వెలుగు
