పుణె: ప్రొ కబడ్డీ లీగ్లో తెలుగు టైటాన్స్ వరుసగా రెండో ఓటమిని చవిచూసింది. గురువారం జరిగిన లీగ్ మ్యాచ్లో దబాంగ్ ఢిల్లీ 33–27తో టైటాన్స్పై నెగ్గింది. టైటాన్స్ ఆల్రౌండర్ విజయ్ మాలిక్ 10 పాయింట్లు సాధించినా ప్రయోజనం దక్కలేదు.
ఆశీష్ నర్వాల్ (8) ఓ మాదిరిగా ఆడాడు. దబాంగ్ రైడర్ నవీన్ కుమార్ (11), అషు మాలిక్ (9) కీలక టైమ్లో పాయింట్లు సాధించారు. ప్రస్తుతం టైటాన్స్ 55 పాయింట్లతో ఆరో ప్లేస్లో ఉంది. యూపీ యోధాస్, బెంగాల్ వారియర్స్ మధ్య జరిగిన మ్యాచ్ 31–31తో డ్రాగా ముగిసింది.
