న్యూఢిల్లీ: టెలికాం ఆపరేటర్ వొడాఫోన్ ఐడియా ఇటీవల చైనా కంపెనీ జెడ్‌‌‌‌‌‌‌‌‌‌‌‌‌‌‌‌‌‌టీఈకి దాదాపు రూ. 200 కోట్ల నెట్‌‌‌‌‌‌‌‌వర్క్ గేర్ ఆర్డర్‌‌‌‌‌‌‌‌ను ఇచ్చింది. గుజరాత్, మహారాష్ట్ర , మధ్యప్రదేశ్, -ఛత్తీస్‌‌‌‌‌‌‌‌గఢ్ టెలికం సర్కిళ్లలో బ్రాడ్‌‌‌‌‌‌‌‌బ్యాండ్ నెట్‌‌‌‌‌‌‌‌వర్క్ పరికరాల కోసం కంపెనీ ఆర్డర్లు ఇచ్చింది. టెలికం పోర్టల్‌‌‌‌‌‌‌‌ను నిర్వహించే జాతీయ భద్రతా మండలి సెక్రటేరియట్ (ఎన్‌‌‌‌‌‌‌‌ఎస్‌‌‌‌‌‌‌‌సిఎస్) జెడ్టీఈ టెలికాం గేర్‌‌‌‌‌‌‌‌లకు అనుమతి మంజూరు చేసింది. భద్రతపై కేబినెట్ కమిటీ, డిసెంబరు 16, 2020న టెలికమ్యూనికేషన్ సెక్టార్‌‌‌‌‌‌‌‌పై నేషనల్ సెక్యూరిటీ డైరెక్టివ్‌‌‌‌‌‌‌‌ను ఆమోదించింది.
నమ్మకమైన కంపెనీల నుంచి మాత్రమే టెలికం పరికరాలను కొనాలని ఇది సర్వీస్ ప్రొవైడర్లను ఆదేశించింది. ఈ డైరెక్టివ్ టెలికం నెట్‌‌‌‌‌‌‌‌వర్క్‌‌‌‌‌‌‌‌లో ఇన్‌‌‌‌‌‌‌‌స్టాలేషన్ కోసం కొన్ని సంస్థల పేర్లను సూచించింది. ఈ వివరాలన్నీ టెలికాం పోర్టల్ ద్వారా అందుబాటులో ఉంటాయి. డిప్యూటీ నేషనల్సెక్యూరిటీ అడ్వైజర్ నేతృత్వంలోని కమిటీ ఈ పేర్లను ఖరారు చేస్తుంది. ఇది సిఫార్సు చేసిన లిస్టులో లేకపోవడంతో కొన్ని చైనీస్ కంపెనీలు 5జీ టెలికాం గేర్ కోసం ఆర్డర్‌‌‌‌‌‌‌‌లను పొందలేకపోయాయి. జెడ్టీఈ టెలికం పరికరాలను స్వీడన్, బ్రిటన్ వంటి కొన్ని దేశాలు నిషేధించాయి.
