హైదరాబాద్, వెలుగు: ఫ్లెక్సిబుల్ వర్క్ స్పేస్ ప్రొవైడర్ వీ వర్క్ ఇండియా తన సుస్థిర సదస్సు రెండో ఎడిషన్ ను హైదరాబాద్లో నిర్వహిస్తోంది. వ్యాపారాలు, సమాజానికి పర్యావరణానికి అనుకూల పద్ధతులు, పరిష్కారాల గురించి చర్చించడానికి పరిశ్రమ నాయకులు, నిపుణులు, విధాన నిర్ణయకర్తలను ఒకచోట చేర్చింది. ఇది భారతదేశాన్ని సుస్థిర భవిష్యత్తు వైపు నడిపిస్తుందని తెలియజేసింది.
ఈ సందర్భంగా పర్యావరణ అంశాలపై చర్చలు, కీలకోపన్యాసాలు, వర్క్షాప్లు జరిగాయి. వీటికి పలువురు పారిశ్రామికవేత్తలు, విద్యావేత్తలు, ఇన్నోవేటర్లు హాజరయ్యారు. మొక్కలను పెంచడం, గ్రీన్బిల్డింగ్స్, ఉద్గారాలను తగ్గించడం, వ్యర్థాల సేకరణ గురించి నిపుణులు తమ అభిప్రాయాలను తెలియజేశారు. సుస్థిర‌‌‌‌‌‌‌‌త సదస్సు గురించి వీ వర్క్ ఇండియా సీఈఓ కరణ్ విర్వానీ మాట్లాడుతూ జీరో-కార్బన్ భవిష్యత్తును సాధించడం తమ లక్ష్యమని తెలిపారు.
