ఆర్టిఫిషియల్ ఇంటెలిజెన్స్ తో ఎలాంటి ప్రశ్నలకైనా టక్కున ఆన్సర్లు చెప్పేస్తున్న ‘చాట్ జీపీటీ’ ప్రపంచవ్యాప్తంగా సంచలనం సృష్టిస్తున్నది. దీని ప్రభావం స్టూడెంట్లపై ఎలా ఉంటుందన్న చర్చ జరుగుతోంది. ఈ టెక్నాలజీని నిషేధించాలని కొందరు.. అద్భుతమని మరికొందరు వాదిస్తున్నారు.
లాభాలు
- గ్రామీణ స్టూడెంట్స్ దీన్ని ట్యూటర్లా వాడుకోవచ్చు. ఇంట్లో కూర్చొని డౌట్స్ క్లియర్ చేసుకోవచ్చు
- వ్యక్తి నాలెడ్జ్ లెవల్ ను అంచనా వేసి సింపుల్ లాంగ్వేజ్, ఈజీ వేలో ఆన్సర్స్ ఇస్తుంది
- సెకన్లలోనే ఆన్సర్స్ దొరుకుతాయి. సమయం ఆదా
- టీచర్స్ కూడా లెర్నింగ్, లెసన్ ప్లాన్స్ ప్రిపేర్ చేసుకోవచ్చు
- ప్రస్తుతానికి చాట్ జీపీటీ ఫ్రీ
నష్టాలు
- క్రియేటివిటీ, బ్రెయిన్ వర్క్ తగ్గుతుంది
- సబ్జెక్టును లోతుగా నేర్చుకోవడంపై స్టూడెంట్స్ దృష్టి పెట్టకపోవచ్చు
- తప్పు ఆన్సర్ ఇస్తే ఫ్యాక్ట్ చెక్ చేసుకోవడం స్టూడెంట్స్కు తెలియదు
- ఒక ప్రశ్నకు ఒక్కోసారి ఒక్కో ఆన్సర్ చూపించే అవకాశం
- చదువు సాకుతో చాట్ జీపీటీకి అడిక్ట్ అయ్యే ముప్పు
చాట్ జీపీటీ ..పేరులోనే విషయమంతా ఉంది. ఆర్టిఫీషియల్ ఇంటెలిజెన్స్(ఏఐ) టెక్నాలజీతో పనిచేసే ఈ అడ్వాన్స్డ్ సెర్చ్ చాట్బోట్ పైనే ఇప్పుడు అంతటా డిస్కషన్ నడుస్తోంది. ప్రత్యేకించి ఇది స్టూడెంట్స్పై ఎలాంటి ఎఫెక్ట్స్ చూపిస్తుంది ? అనే దానిపై తీరొక్క విశ్లేషణలు వెలువడుతున్నాయి. చాట్ జీపీటీని హయ్యర్క్లాసు లు, కాలేజీ స్థాయి విద్యార్థులు దుర్వినియోగం చేసే చాన్స్ ఉందని.. అసైన్మెంట్స్, ప్రాజెక్ట్ వర్క్స్, స్టడీ పేపర్స్ తయారీకి దానిపై డిపెండ్ అవుతారని పలువురు హెచ్చరిస్తున్నారు. ఇంటర్నెట్ సర్ఫింగ్, సోషల్ మీడియా బ్రౌజింగ్లో మునిగిపోయిన విద్యార్థి లోకం.. చాట్ జీపీటీకి కూడా అడిక్ట్ అయ్యే గండం ఉందని వార్నింగ్ ఇస్తున్నారు. కామన్ సెన్స్ లేకుండా కమాండ్స్ పై పనిచేసే చాట్రోబోకు భావితరాలు అడిక్ట్ అయితే దేశ భవిష్యత్తుకు ముప్పని పలువురు అభిప్రాయపడుతున్నారు.
- సెంట్రల్ డెస్క్, వెలుగు
చాట్ జీపీటీ ప్లాట్ ఫామ్ ఆర్టిఫీషియల్ ఇంటెలిజెన్స్ టెక్నాలజీని వినియోగించి తన యూజర్ తో చాటింగ్ చేస్తూ ఆన్సర్స్ ఇస్తుంది. ఆర్టికల్స్ రాసివ్వడం, సాఫ్ట్వేర్స్కు కోడింగ్ రాయడం, కథలు రాయడం, మ్యూజిక్ లిరిక్స్ జనరేట్ చేయడం వంటి పనులన్నీ చకచకా చేస్తుంది. ఇంకా అదనంగా వీటన్నింటిలో మనం ఇచ్చే కమాండ్ ఆధారంగా మార్పులు కూడా చేస్తుంది. దీని సేవలకు అడిక్ట్ అయిపోయి బుర్రకు పనిచెప్పకుంటే.. సమాచారం కాపీయింగ్కు అలవాటుపడితే విద్యార్థుల్లో క్రియేటివిటీ తగ్గిపోతుందని అంటున్నారు. నాణేనికి బొమ్మాబొరుసు ఉన్నట్టుగా చాట్ జీపీటీకి కూడా రెండు కోణాలు ఉన్నాయని.. దానిలోని పాజిటివ్ అంశాలను వాడుకొని, నెగెటివ్ గా ఉన్నవి వదిలేయాలని ఇంకొందరు నిపుణులు సూచిస్తున్నారు.
మన దేశంతో పాటు పలు దేశాల్లో నిషేధాలు
అమెరికాలోని న్యూయార్క్ సిటీ విద్యాశాఖ, సియాటెల్లోని ప్రభుత్వ పాఠశాలలు, ఫ్రాన్స్ లోని అగ్రశ్రేణి యూనివర్సిటీ సైన్సెస్ పోలు ఇప్పటికే చాట్ జీపీటీని బ్యాన్ చేశాయి. ఇక మనదేశంలో తొలిసారిగా చాట్ జీపీటీపై బెంగళూరుకు చెందిన ఆర్వీ యూనివర్సిటీ బ్యాన్ విధించింది. యూనివర్సిటీ క్యాంపస్లోని కంప్యూటర్ ల్యాబ్స్లో చాట్ జీపీటీతో పాటు ఇతర ఏఐ బోట్స్, గిట్హబ్ కాపిలాట్, బ్లాక్ బాక్స్ లపైనే నిషేధం విధించారు. కర్నాటకలోని దయానంద సాగర్ విశ్వవిద్యాలయం, ఇంటర్నేషనల్ ఇన్‌‌‌‌‌‌‌‌‌‌‌‌‌‌‌‌స్టిట్యూట్ ఆఫ్ ఇన్ఫర్మేషన్ టెక్నాలజీ (ఐఐఐటీ బీ) వంటి సంస్థలు చాట్ జీపీటీ వంటి ఏఐ సాధనాలపై విద్యార్థులు ఆధారపడకుండా నిరోధించే చర్యలను అన్వేషిస్తున్నాయి. దయానంద సాగర్ వర్సిటీ అధికారులు ఈ సమస్యను పరిష్కరించేందుకు అసైన్‌‌‌‌‌‌‌‌‌‌‌‌‌‌‌‌మెంట్ల స్వరూపాన్ని మార్చాలని భావిస్తున్నాయి. ఐఐఐటీ-బీ తమ విద్యార్థులు చాట్ జీపీటీని ఉపయోగించడంపై నిర్మాణాత్మక ఫ్రేమ్‌‌‌‌‌‌‌‌‌‌‌‌‌‌‌‌వర్క్‌‌‌‌‌‌‌‌‌‌‌‌‌‌‌‌ను అభివృద్ధి చేయడానికి ఒక కమిటీని ఏర్పాటు చేసింది.
బెనిఫిట్స్ ఇవి
ఇంటర్నెట్ బాగా వినియోగంలోకి వచ్చిన ప్రస్తుత తరుణంలో మారుమూల ప్రాంతాల స్టూడెంట్స్కు చాట్ జీపీజీ ఒక వరం లాంటిది. రోజూ స్కూల్ టైం ముగిసిన తర్వాత ట్యూటర్లు అందుబాటులో లేని పల్లెల విద్యార్థులు చాట్ జీపీటీని ఒక ట్యూటర్లా వాడుకోవచ్చు. ఇంట్లోనే కూర్చొని అన్ని డౌట్స్ క్లియర్ చేసుకోవచ్చు. అయితే పెద్దల పర్యవేక్షణ ఉంటే బెస్ట్. చాట్ జీపీటీ తనను వినియోగించే వ్యక్తి ప్రొఫైలింగ్ ఆధారంగా అతడి ఆలోచనా విధానం, నాలెడ్జ్ లెవల్, ఎడ్యుకేషన్ స్టాండర్డ్ పై అవగాహనకు వస్తుంది. వీటి ఆధారంగానే సమాధానాలిస్తుంది. ఈ స్పెషాలిటీ.. స్టూడెంట్స్ కు బాగా ఉపయోగపడు తుంది. విద్యార్థుల స్థాయికి అనుగుణంగా ఆన్సర్స్ వస్తాయి. చాట్ జీపీటీ కెపాసిటీ అద్భుతం. అది ఒక రోబో కావడంతో.. అలసట అనేది ఉండదు. స్టూడెంట్ అడిగే ప్రశ్నలకు ఒకానొక దశలో టీచర్ లేదా ట్యూటర్ విసుక్కుంటారు. కానీ చాట్ జీపీటీ విసుక్కోకుండా విరామం తీసుకోకుండా ఆన్సర్స్ ఇస్తూనే ఉంటుంది.
ఉపాధ్యాయులు దీన్ని వాడుకొని లెస్సన్ ప్లాన్స్ ప్రిపేర్ చేసుకోవచ్చు. ఫలితంగా వారికి టైం ఆదా అవుతుంది. విద్యార్థులతో ఇంటరాక్ట్ అయ్యేందుకు టీచర్లకు సమయం మిగులుతుంది.చాట్ జీపీటీ ఫ్రీ. ట్యూటర్ ను పెట్టుకుంటే కొంత పే చేయాల్సి ఉంటుంది. చాట్ జీపీటీతో ఆ ఖర్చుండదు. భవిష్యత్తులో దాన్ని ప్రీమియన్ వర్షన్లోకి మారుస్తారా ? లేదా ? అనే దానిపై క్లారిటీ లేదు. చాట్ జీపీటీ చాలా వేగంగా స్పందించి కొన్ని సెకన్లలోనే ఆన్సర్స్ ఇస్తుంది. అందువల్ల స్టూడెంట్స్ కు ఎంతో విలువైన సమయం ఆదా అవుతుంది. ఫలితంగా సాధ్యమైనన్ని ఎక్కువ టాపిక్స్ గురించి స్టూడెంట్స్ తెలుసుకొని నాలెడ్జ్ పెంచుకునే అవకాశం కలుగుతుంది.
నష్టాలివి
ఒక్కోసారి చాట్ జీపీటీ ఒక ప్రశ్నకు మరో సమాధానాన్ని చూపించే అవకాశం కూడా ఉంటుంది. దీనివల్ల స్టూడెంట్స్ ఏకాగ్రత దారి తప్పే చాన్స్ ఉంటుంది. చాట్ జీపీటీ ఇచ్చే అరకొర సమాచారాన్ని చూసి.. స్టూడెంట్స్ అదే పూర్తి సమాచారమని భావించే చాన్స్ ఉంటుంది. దీనివల్ల ఇంకా సమగ్రంగా, లోతుగా సబ్జెక్టును నేర్చుకోవడంపై స్టూడెంట్స్ దృష్టిపెట్టకపోవచ్చు. చాట్ జీపీటీలో వచ్చే సమాధానాలపై సందేహం వస్తే ఎలా ఫ్యాక్ట్ చెక్ చేసుకోవాలనేది కూడా స్టూడెంట్స్కు పెద్దగా తెలియదు. అందువల్ల అక్కడ కనిపించిందే నిజమని నమ్మే చాన్స్ ఉంటుంది. నిజమైన సమాచారం కంటే తప్పుడు సమాచారం 6 రెట్లు వేగంగా వ్యాపిస్తుందని అంటారు. చాట్ జీపీటీలో తప్పుడు సమాచారం వస్తే చెక్ చేసుకునే టూల్స్ కూడా అందుబాటులోకి వస్తే బాగుంటుందని టెక్ రంగ నిపుణులు అభిప్రాయపడుతున్నారు. ఇప్పటికే ప్రతిరోజు ఎంతో సమయాన్ని టెక్ గాడ్జెట్స్తో వెచ్చిస్తున్న స్టూడెంట్స్.. చదువు సాకుతో చాట్ జీపీటీకి కూడా అడిక్ట్ అయ్యే ముప్పు ఉందనే ఆందోళన వ్యక్తమవుతోంది. ఫలితంగా విద్యార్థుల్లో ఆరోగ్య సమస్యలు పెరగొచ్చని వైద్య నిపుణులు హెచ్చరిస్తున్నారు. చాట్ జీపీటీ వల్ల విద్యార్థుల్లో క్రియేటివిటీకి, బ్రెయిన్ వర్క్ కు తావు లేకుండా పోవచ్చు. ఇంతకుముందు వరకు బుర్రకు పదును పెట్టి ఆలోచించాక సందేహాలను క్లియర్ చేసుకునేందుకు ఇంటర్నెట్ను సెర్చ్ చేస్తూ వచ్చిన స్టూడెంట్స్.. ఇకపై చాట్ జీపీటీ ఏఐ ఆన్సర్స్ను చూసి అక్కడే ఆగిపోయే చాన్స్ ఉంటుంది. విద్యార్థులు అసైన్ మెంట్స్, ప్రాజెక్ట్ వర్క్లు, రీసెర్చ్ పేపర్స్ కోసం చాట్ జీపీటీపై డిపెండ్ అయ్యే అవకాశాలు ఉంటాయి, తాము చేసిన ప్రాజెక్ట్ వర్క్ల సమాచారాన్ని స్టూడెంట్స్చాట్ జీపీటీలో వేసి .. అందులోని మిస్టేక్స్ గుర్తించమని కమాండ్ ఇవ్వొచ్చు. వెంటనే అది తప్పులను హైలైట్ చేసి చూపిస్తుంది. ఇలా చాట్ జీపీటీతో తప్పులు దిద్దించుకోవడం వల్ల విద్యార్థులకు లాభం ఉండదు. టీచర్ తప్పులు కరెక్ట్ చేసి వివరిస్తే అది ఎక్కువ కాలం గుర్తుండిపోతుంది.
