- జగన్ రికార్డును బ్రేక్ చేసిన డాక్టర్ సుధ
- బీజేపీ, కాంగ్రెస్ పార్టీలకు డిపాజిట్ గల్లంతు
- నోటాకు 3635 ఓట్లు
కడప: బద్వేల్‌ అసెంబ్లీ నియోజకవర్గానికి జరిగిన ఉప ఎన్నికలో అధికార వైసీపీ ( వైఎస్సార్‌ కాంగ్రెస్) పార్టీ ప్రభంజనం సృష్టించింది. ఏకంగా 90,533 ఓట్ల మెజార్టీతో వైఎస్సార్‌సీపీ అభ్యర్థి డాక్టర్ సుధ ఘన విజయం సాధించారు. మొత్తం పోలైన ఓట్లలో వైసీపీకీ 76.25 శాతం ఓట్ల ఆధిక్యత సాధించింది. ఇది గత ఎన్నికల్లో ముఖ్యమంత్రి వైఎస్ జగన్ కు వచ్చిన మెజారిటీ కంటే ఎక్కువ. గత అసెంబ్లీ ఎన్నికల్లో రాష్ట్రంలోనే అత్యధికంగా వైఎస్ జగన్ 90 వేల 110 ఓట్ల మెజారిటీతో గెలుపొందగా.. ఈ ఉప ఎన్నికలో డాక్టర్ సుధ 90 వేల 533 ఓట్ల ఆధిక్యం సాధించి జగన్ రికార్డును బ్రేక్ చేసింది.
ప్రచారం.. పోలింగ్ అంతా ఏకపక్షంగా సాగడంతో ఊహించిన విధంగానే వైసీపీ రౌండు రౌండులో ఆధిక్యం కనబరచింది. కౌంటింగ్ ప్రారంభమైనప్పటి నుంచి అంటే పోస్టల్ బ్యాలెట్లు మొదలు.. రౌండ్ల వారీగా ఈవీఎంల లెక్కింపులో మొదటి నుంచి చివరి వరకు ప్రతి రౌండ్‌లోనూ వైసీపీ స్పష్టమైన ఆధిక్యతతో దూసుకుపోయింది. వైసీపీకి మొత్తం 1,12,211 ఓట్లు పోలయ్యాయి. బీజేపీకి 21,678 ఓట్లు రాగా, కాంగ్రెస్‌కు మొత్తం 6,235ఓట్లు వచ్చాయి. గత ఎన్నికల్లో మాదిరిగానే ఈ ఉప ఎన్నికల్లోనే ప్రతిపక్ష కాంగ్రెస్, బీజేపీలకు డిపాజిట్ గల్లంతు అయింది. బీజేపీ, టీడీపీ, జనసేన లోపాయికారీ ఒప్పందంతో పోటీ చేసినా డిపాజిట్ దక్కలేదు. అయితే గతంలో ఎన్నడూ లేనివిధంగా నోటాకు భారీగా 3635 ఓట్లు పడడం విశేషం.
రౌండ్ల వారీగా పార్టీలకు పోలైన ఓట్లు వివరాలు ఇలా ఉన్నాయి
రౌండ్లు వైసీపీ బీజేపీ కాంగ్రెస్
1 రౌండ్ 10,478 1688 580
2వ రౌండ్ 10,570 2270 634
3వ రౌండ్ 10,184 2305 598
4వ రౌండ్ 9,867 2241 491
5వ రౌండ్ 11,783 17971 575
6వ రౌండ్ 11,383 1940 531
7వ రౌండ్ 10,726 1924 841
8వ రౌండ్ 9,691 1964 774
9వ రౌండ్ 11,354 2839 493
10వ రౌండ్ 10052 1554 449
11వ రౌండ్ 5,139 984 223
12వ రౌండ్ 483 54 14
13వ రౌండ్ 362 40 12
