కోల్బెల్ట్, వెలుగు: రైళ్లో ప్రయాణిస్తున్న తమ స్నేహితుడితో ట్రాన్స్జెండర్లు గొడవపడి అతడిని తోసేశారని తోటి మిత్రులు ఆరోపిస్తున్నారు. ఈ ఘటనలో సదరు యువకుడు తీవ్ర గాయాలపాలై మృతిచెందాడు. ఉత్తర్ప్రదేశ్కు చెందిన సత్యేందర్(25) మరికొందరు మిత్రులతో కలిసి పనికోసం దానాపూర్-సికింద్రాబాద్ఎక్స్ప్రెస్ రైల్లో హైదరాబాద్కు బయలుదేరారు. అయితే, రైళ్లో ట్రాన్స్జెండర్లతో సత్యేందర్కు గొడవ జరిగింది. దీంతో అతడిని కొట్టి మందమర్రి రైల్వే స్టేషన్సమీపంలోని రైల్వే గేటు వద్ద తోసేశారని తోటి మిత్రులు పేర్కొంటున్నారు.
వారిచ్చిన సమాచారంతో మంచిర్యాల రైల్వే పోలీసులు సత్యేందర్కోసం గాలించి మందమర్రి రైల్వే గేటు సమీపంలో అతడిని గుర్తించారు. తీవ్రంగా గాయపడి ఉన్న బాధితుడిని ఆస్పత్రికి తరలించేందుకు ప్రయత్నిస్తుండగా మృతిచెందాడు. అయితే, ఈ మృతిపట్ల రైల్వే పోలీసులు అనుమానం వ్యక్తం చేస్తున్నారు. ట్రాన్స్జెండర్లు తోయడం వల్ల పడిపోయాడా? లేక ప్రమాదవశాత్తూ జరిగిందా అనే విషయాన్ని దర్యాప్తు చేస్తున్నారు.
