దహెగాం, వెలుగు: తమ సొంత ఖర్చులతో దహెగాం యువత రోడ్లకు రిపేర్లు చేయించారు. ఇటీవల కురిసిన భారీ వర్షాలకు మండల కేంద్రంలోని ఇంటర్నల్ రోడ్లు బాగా దెబ్బతిన్నాయి. గుంతలు పడి వెహికల్స్ వెళ్లడానికి కష్టంగా మారడంతో కలెక్టర్, ఆర్అండ్బీ అధికారు లకు వినతిపత్రాలు అందజేశారు. ఫండ్స్ లేకపోవడంతో పనులు లేట్ అవుతాయని అధికారులు చెప్పడంతో యువకులు తలో కొంత చందాలు వేసుకొని రూ.1.20 లక్షలు జమచేసి రోడ్డు రిపేర్లకు పూనుకున్నారు. యూత్ చేసిన పనిని గ్రామస్తులు మెచ్చుకుంటున్నారు.
