- నిందితుడు అరెస్ట్
జీడిమెట్ల, వెలుగు: మహిళ మెడలోంచి పుస్తెల తాడు ఎత్తుకెళ్లిన నిందితుడిని బాచుపల్లి పోలీసులు అరెస్ట్చేశారు. బాలానగర్ ఏసీపీ శ్రీనివాసరావు వివరాల ప్రకారం.. మహబూబ్నగర్జిల్లా అడ్డకల్మండలానికి చెందిన ఎం.ప్రవీణ్సాగర్ ఉపాధి కోసం సిటీకి వచ్చి నిజాంపేట రాజీవ్గృహకల్పలో ఉంటూ జోమాటో, స్విగ్గీ డెలివరీ బాయ్ గా పనిచేస్తున్నాడు. ఆర్థికంగా ఇబ్బందులు రావడంతో దొంగతనాలు చేసి ఈజీగా సంపాదించాలని ప్లాన్ చేశాడు. నిజాంపేట రాజీవ్గృహకల్పలో నివాసం ఉండే బాలమ్మ (55) అక్కడ ఇస్త్రీ పనిచేసుకుంటూ జీవిస్తున్నది.
ఈ నెల 8న ఇస్త్రీ బట్టలు ఇవ్వడానికి వెళ్లినట్టు వెళ్లి, ఆమె మెడలోని రెండున్న ర తులాల బంగారు గొలుసు తెంచుకుని పారిపోయాడు. దీంతో ఆమె మెడకు గాయమైంది. బాధితురాలి ఫిర్యాదుతో పోలీసులు కేసు నమోదు చేసి, సీసీ ఫుటేజీ ఆధారంగా నిందితుడిని సోమవారం అరెస్ట్ చేసి రిమాండ్కు తరలించారు. పుస్తెల తాడు రికవరీ చేశారు.
