మెదక్, వెలుగు: తెలంగాణ తొలి ముఖ్యమంత్రి, బీఆర్ఎస్ అధ్యక్షుడు కేసీఆర్పై ఉన్న అభిమానంతో ఓ పార్టీ కార్యకర్త ఈ నెల 27న వరంగల్ లో జరిగే రజతోత్సవ సభకు పాదయాత్రగా బయలుదేరాడు. మెదక్ జిల్లా కౌడిపల్లి మండలం బూరుగడ్డ గ్రామానికి చెందిన గడ్డమీది రవి గురువారం ఉదయం 5 గంటలకు పాదయాత్రగా బయలుదేరి మధ్యాహ్నం మెదక్ జిల్లా కేంద్రంలోని బీఆర్ఎస్ ఆఫీసుకు చేరుకున్నాడు. మెదక్ పట్టణ కన్వీనర్, మాజీ కౌన్సిలర్ మామిళ్ల ఆంజనేయులు రవికి శాలువా కప్పి సన్మానించారు.
ఈ సందర్భంగా రవి మాట్లాడుతూ కేసీఆర్పై ఉన్న అభిమానంతో పాదయాత్రగా వెళ్లి వరంగల్ రజతోత్సవ సభకు చేరనున్నట్లు తెలిపాడు. కార్యక్రమంలో నాయకులు లక్ష్మణ్, మహమ్మద్ పాల్గొన్నారు.
