ChatGPTకి ప్రసిద్ధి చెందిన OpenAI, కొంతమంది ప్రముఖ పరిశోధకులను నియమించుకోవడానికి Googleతో పోటీపడుతోంది. మంచి వేతనాన్ని అందించడం, అధునాతన సాంకేతికత వంటి విభిన్న వ్యూహాలను కంపెనీ ఉపయోగిస్తోంది. ఓపెన్ ఏఐ ఇటీవలే షేర్లను విక్రయించాలని కూడా సూచించింది. దీని వల్ల కంపెనీ భారీ మొత్తంలో 86 బిలియన్‌ డాలర్ లను సంపాదించవచ్చు. ఇదే జరిగితే, కొత్తగా చేరే ఉద్యోగులు 5 మిలియన్ డాలర్ల నుంచి 10 మిలియన్ డాలర్ల వరకు పొందవచ్చు.
TechCrunch నివేదిక ప్రకారం, OpenAI విజయవంతంగా Google, Meta నుంచి నిపుణులను తీసుకువచ్చింది. వారి ChatGPT లాంచ్‌లో, కంపెనీ ఐదుగురు మాజీ Google పరిశోధకుల గురించి ప్రస్తావించింది. మొత్తంగా, OpenAI.. Google, Metaలో పని చేసే 93 మంది వ్యక్తులను నియమించుకుంది. ఫిబ్రవరి నాటికి Google నుంచి 59, Meta నుంచి 34 మంది ఇందులో చేరారు. బృందాన్ని బలోపేతం చేయడానికి, OpenAI వారి సూపర్‌లైన్‌మెంట్ బృందం కోసం ఒక పరిశోధనా ఇంజనీర్‌ను నియమిస్తోంది. ఈ పదవికి వార్షిక జీతం 2లక్షల 45వేల డాలర్ల నుంచి 4లక్షల 50వేల డాలర్ల వరకు ఉంటుంది. కంపెనీ ఈ భారీ ఈక్విటీతో పాటు ఇతర ప్రయోజనాలను కూడా అందిస్తోంది.
ఈ నివేదిక ప్రకారం, . AI సిస్టమ్‌లు ప్రజలు కోరుకుంటున్న వాటికి అనుగుణంగా ఉండేలా చూసుకోవడంపై తాము దృష్టి సారించామని ఓపెన్‌ఏఐ సూపర్ అలైన్‌మెంట్ హెడ్ జాన్ లీకే చెప్పారు. వారు తమ ఆలోచనా నైపుణ్యాలు, కోడింగ్ నైపుణ్యంతో AI భద్రత పట్ల మక్కువ ఉన్న వ్యక్తుల కోసం వెతుకుతున్నామన్నారు. ఇవన్నీ ఉన్నప్పటికీ, టాలెంట్ కాంపిటేషన్ పై కంపెనీ వ్యాఖ్యానించలేదు. OpenAI, Google మధ్య ప్రతిభ కోసం జరుగుతున్న ఈ వార్ లో AI ఇండస్ట్రీలో గట్టి పోటీని చూపుతోంది. ఆర్టిఫిషియల్ ఇంటెలిజెన్స్‌లో పురోగతి సాధించడానికి ఈ రెండు కంపెనీల నుంచి ఉత్తమమైన వారిని కోరుకుంటున్నాయి.
ఇటీవల, OpenAI వారి AI చాట్‌బాట్‌ను ఇప్పుడు ప్రతి వారం 100 మిలియన్ల మంది ఉపయోగిస్తున్నారని కూడా పంచుకున్నారు. వారి మొదటి డెవలపర్ కాన్ఫరెన్స్‌లో, OpenAI CEO సామ్ ఆల్ట్‌మాన్ కొత్త GPT-4 టర్బో మోడల్ గురించి మాట్లాడారు. ఇది ఉత్తమమైనదిని, మరింత సరసమైనదని, పెద్ద మొత్తంలో సమాచారాన్ని అర్థం చేసుకోగలదని చెప్పారు.
