- జడ్చర్ల ఎమ్మెల్యే అనిరుధ్రెడ్డి
జడ్చర్ల టౌన్, వెలుగు: జడ్చర్ల నియోజకవర్గంలోని గ్రామాల్లో ఫిబ్రవరి 1 తరువాత మద్యం అమ్ముతున్నట్లు తనకు సమాచారం ఇస్తే రూ. 10 వేలు బహుమతిగా ఇస్తానని ఎమ్మెల్యే అనిరుధ్రెడ్డి ప్రకటించారు. ఆదివారం సాయంత్రం జడ్చర్ల పోలీస్స్టేషన్లో ఎమ్మెల్యేతో కలిసి ఎస్పీ హర్షవర్ధన్ నియోజకవర్గంలోని సీఐలు, ఎస్ఐలతో వివిధ అంశాలపై రివ్యూ మీటింగ్ నిర్వహించారు.
నియోజకవర్గంలోని అన్ని మండలాల్లో గంజాయి పెంపకం, అమ్మకాలపై పూర్తి స్థాయిలో నిఘా పెట్టాలని పోలీసు అధికారులను ఎస్పీ ఆదేశించారు. బెల్ట్షాపులకు వచ్చే నెల 1వ తేదీ వరకు సమయం ఇస్తున్నట్లు చెప్పారు. ఆ తరువాత ఎక్కడైనా బెల్ట్ షాపుల్లో మద్యం అమ్మినట్లు సమాచారం వస్తే కఠిన చర్యలు తీసుకోవాలని ఆదేశించారు. పట్టణంలోని ఖాళీ స్థలాల్లో మద్యం తాగకుండా చర్యలు తీసుకుంటామని హెచ్చరించారు. పాన్ షాపుల్లో గుట్కాలు అమ్ముతున్నట్లు సమాచారం వస్తే దాడులు చేయాలని సూచించారు. మద్యం, గంజాయి అమ్మకాలపై కఠినంగా వ్యవహరించాలని ఎమ్మెల్యే సూచించారు. డీఎస్పీ మహేశ్, సీఐలు రమేశ్బాబు, జమ్ములప్ప పాల్గొన్నారు.
