జన్ ధన్ యోజన.. అట్టడుగు వర్గాలకు ఆర్థిక భద్రత కల్పించటంకోసం మోడీ సర్కార్ 2014లో ప్రారంభించిన పథకం. ఈ పథకం ప్రారంభించి 10ఏళ్ళు పూర్తైన క్రమంలో ప్రధాని మోదీ ఎక్స్ వేదికగా ఆసక్తికర వ్యాఖ్యలు చేశారు. ఈ పథకం ద్వారా కొన్ని కోట్ల మంది యువత, మహిళలు, ప్రత్యేకించి అట్టడుగు వర్గాలవారికి ఆర్థిక భద్రత, చేయూత లభించిందని అన్నారు.దేశవ్యాప్తంగా ఈ పథకం కింద 53కోట్ల అకౌంట్లు ఓపెన్ అవ్వగా... వీటిలో 2.3లక్షల కోట్ల రూపాయల డిపాజిట్లు వచ్చినట్లు సమాచారం.
Also Read:-బాలీవుడ్ నటి కేసులో ఏపీ పోలీసు ఉన్నతాధికారులు.. బిగుస్తున్న ఉచ్చు..
2014 నుండి ఓపెన్ అయిన 53.13కోట్ల జన్ ధన్ ఖాతాల్లో 55.6శాతం మహిళలవే కావటం విశేషం. ఈ పథకం రూరల్, సెమీ-అర్బన్ ప్రాంతాలలో ఎక్కువ ఆదరణ కలిగి, మొత్తం అకౌంట్లలో 66.6% వాటా ఉందని తెలుస్తోంది. డిపాజిట్ డిపాజిట్లు రూ.2,31,236 కోట్లకు పెరిగి.. పథకం ప్రారంభమైనప్పటి నుండి డిపాజిట్లలో 15 రెట్లు, అకౌంట్లలో 3.6 రెట్లు పెరుగుదల నమోదు చేసింది. అకౌంట్లలో సగటు డిపాజిట్ రూ.4,352గా ఉన్నట్లు సమాచారం.
Today, we mark a momentous occasion— #10YearsOfJanDhan. Congratulations to all the beneficiaries and compliments to all those who worked to make this scheme a success. Jan Dhan Yojana has been paramount in boosting financial inclusion and giving dignity to crores of people,… pic.twitter.com/VgC7wMcZE8
— Narendra Modi (@narendramodi) August 28, 2024
జన్ ధన్ పథకం ద్వారా అట్టడుగు వర్గాలు పొందే లబ్ది:
- అకౌంట్లలో మినిమమ్ బ్యాలెన్స్ ఉంచాల్సిన అవసరం లేదు.
- డిపాజిట్లపై వడ్డీ కూడా వస్తుంది.
- రూపే డెబిట్ కార్డ్ సదుపాయం.
- రూ. 1 లక్ష ప్రమాద బీమా కవరేజీ (ఆగస్టు 28, 2018 తర్వాత ఓపెన్ చేసిన అకౌంట్లకు రూ. 2 లక్షలకు పెంచబడింది).
- అర్హత కలిగిన ఖాతాదారులకు రూ. 10,000 వరకు ఓవర్‌డ్రాఫ్ట్ సౌకర్యం.
- డైరెక్ట్ బెనిఫిట్ ట్రాన్స్‌ఫర్ ( DBT ), ప్రధాన మంత్రి జీవన్ జ్యోతి బీమా యోజన (PMJJBY), ప్రధాన మంత్రి సురక్ష బీమా యోజన (PMSBY), అటల్ పెన్షన్ యోజన (APY), ముద్ర MUDRA స్కీమ్‌లకు అర్హత పొందే అవకాశం.
