- 7 జిల్లాల్లోని ప్రభుత్వ భూములను పరిశీలిస్తున్న హెచ్ఎండీఏ
- ఎలివేటెడ్ కారిడార్ ప్రాజెక్టును ప్రతిష్టాత్మకంగా తీసుకున్న ప్రభుత్వం
హైదరాబాద్, వెలుగు: సికింద్రాబాద్ కంటోన్మెంట్ ఏరియాలో చేపడుతున్న ఎలివేటెడ్ కారిడార్ ప్రాజెక్టులను రాష్ట్ర ప్రభుత్వం ప్రతిష్టాత్మకంగా తీసుకుంది. ఇందుకోసం హెచ్ఎండీఏ అధికారులు భారీ మొత్తంలో భూములను సేకరిస్తున్నారు. రక్షణ శాఖకు చెందిన 168.55 ఎకరాల్లోని 300 ఆస్తులను సేకరించాలని నిర్ణయించారు. వీటికి పరిహారంగా హెచ్ఎండీఏ పరిధిలోని 7 జిల్లాల్లో(హైదరాబాద్, రంగారెడ్డి, మేడ్చల్–మల్కాజిగిరి, వికారాబాద్, సంగారెడ్డి, యాదాద్రి భువనగిరి, సిద్దిపేట)ని 1000 ఎకరాల ప్రభుత్వ భూములను రక్షణ శాఖకు ఇచ్చేందుకు ప్లాన్చేస్తోంది.
సికింద్రాబాద్జింఖానా గ్రౌండ్నుంచి నుంచి హకీంపేట ఎయిర్పోర్ట్స్టేషన్, తూంకుంట, శామీర్పేట మీదుగా ఓఆర్ఆర్ వరకూ ఎలివేటెడ్కారిడార్నిర్మాణం జరగనుంది. అలాగే సికింద్రాబాద్ ప్యారడైజ్ నుంచి బోయిన్పల్లి డెయిర్ఫామ్రోడ్ వరకు డబుల్ డెక్కర్ ఎలివేటెడ్ కారిడార్నిర్మించనున్నారు. ఈ రెండింటి నిర్మాణంలో రక్షణ శాఖకు చెందిన 300 ఆస్తులు, ప్రైవేట్వ్యక్తులకు చెందిన 200 ఆస్తుల(83.72 ఎకరాలు)ను హెచ్ఎండీ అధికారులు సేకరిస్తున్నారు.
ఇప్పటికే ప్రైవేట్ ఆస్తులపై మార్కింగ్చేశారు. త్వరలోనే యజమానులకు నోటీసులు జారీ చేయనున్నారు. ఆ వెంటనే భూ సేకరణ షురూ కానుంది. ప్రైవేట్వ్యక్తులకు టీడీఆర్(ట్రాన్స్ఫర్డెవలప్మెంట్రైట్స్) స్కీమ్ను అమలు చేయాలని నిర్ణయించారు. అంటే ఎలివేటెడ్కారిడార్నిర్మాణంలో కోల్పోయిన భూమి మినహా, మిగిలి ఉన్న భూమిలో ప్రస్తుతం ఉన్న దాని కంటే నాలుగు రెట్లు అదనపు అంతస్తులు నిర్మించుకునేందుకు అవకాశం లభిస్తుంది.
ఇప్పటివరకు కంటోన్మెంట్పరిధిలో భారీ భవనాలకు అనుమతులు లేవు. టీడీఆర్ అమలు చేస్తే నిర్మించుకునే అవకాశం దొరుకుతుంది. మరోవైపు నష్టపరిహారం అంశాన్ని కూడా పరిశీలిస్తున్నట్లు తెలుస్తోంది. కాగా రూ.1,580 కోట్ల అంచనాతో డబుల్డెక్కర్కారిడార్ను మొత్తం 5.32 కి.మీ మేర నిర్మించనున్నారు. జేబీఎస్ నుంచి హకీంపేట మీదుగా శామీర్పేట ఓఆర్ఆర్వరకు11.12 కి.మీ. మేర ఎలివేటెడ్కారిడార్ను నిర్మించనున్నారు. ఇందుకోసం రూ.2,232 కోట్లు ఖర్చు అవుతుందని అధికారులు చెబుతున్నారు.
