కేరళలోని త్రిసూర్లో జీఎస్టీ అధికారులు నిర్వహించిన దాడుల్లో అక్రమంగా నిల్వ ఉంచిన బంగారం భారీఎత్తున పట్టుబడింది. బుధవారం (అక్టోబర్ 23) సాయంత్రం నుంచి రాష్ట్ర జీఎస్టీ డిపార్ట్ మెంట్ లోని ఇంటెలిజెన్స్న అండ్ ఎన్ ఫోర్స్ మెంట్ వింగ్ ఈ సోదాలు చేస్తున్నారు. మొత్తం 35 మంది బంగారం వ్యాపారుల ఇళ్లలో జరుగుతున్నాయి. ఈ దాడుల్లో లెక్క తేలని 105 కేజీల బంగారం స్వాధీనం చేసుకున్నారు.
జీఎస్టీ స్పెషల్ కమిషనర్ అబ్రహాం రెన్ ఎస్ నేతృత్వంలో ఈ దాడులు జరిగాయి. గోవర్ ఆఫ్ గోల్డ్ పేరుతో త్రీసూర్ లో గోల్డ్ ఇండస్ట్రీలోని గోడైన్లు, తయారీ కేంద్రాలు, దుకాణాలు, ఇళ్లపై ఏకకాలంలో దాడులు చేశారు. గడిచిన ఐదేళ్లలో భారీగా బంగారం వ్యాపారుల మధ్య అక్రమ లావాదేవీలు జరిగినట్లు వచ్చిన సమాచారంతో ఈ దాడులు చేసినట్లు కమిషనర్ తెలిపారు.
చాలామంది గోల్డ్ వ్యాపారులు పన్ను చెల్లించకుండానే బంగారం లావాదేవీలు జరిపినట్లు విచారణలో తేలిందని అధికారులు తెలిపారు. భారీగా పన్ను ఎగవేతకు పాల్పడినట్లు ఆధారాలు లభించాయన్నారు. బుధవారం సాయంత్రం నుంచి కొనసాగుతున్న సోదాల్లో ఇవాళ ( గురువారం అక్టోబర్ 24) మధ్యాహ్నానికి ముగిస్తాయని చెప్పారు.
