కొడంగల్, వెలుగు: మహిళల అభ్యున్నతికి రాష్ట్ర ప్రభుత్వం కృషి చేస్తున్నదని కాంగ్రెస్ కొడంగల్ సెగ్మెంట్ ఇన్చార్జీ తిరుపతిరెడ్డి అన్నారు. కొడంగల్, దుద్యాలకు చెందిన 105 మంది షెడ్యూల్ కూలాల మహిళలకు ఉచితంగా కుట్టు మెషీన్లను బుధవారం ఆయన అందజేశారు. మహిళల ఆర్థిక అభివృద్ధికి సీఎం రేవంత్రెడ్డి అనేక సంక్షేమ పథకాలు అమలు చేస్తున్నారన్నారు. ప్రస్తుతం ఫ్యాషన్ డిజైనింగ్ రంగంలో విరివిగా ఉపాధి, స్వయం ఉపాధికి అవకాశం ఉందన్నారు. శిక్షణ పూర్తి చేసుకున్న మహిళలు కొత్త ఆలోచనలతో వృద్ధి సాధించాలని సూచించారు.
