మిడ్జిల్, వెలుగు: మండలంలోని వేముల గ్రామానికి చెందిన ఆవుల మల్లేశ్ అనారోగ్యంతో ఇటీవల చనిపోగా, విషయం తెలుసుకున్న టెన్త్(2003–04) బ్యాచ్‌ స్టూడెంట్స్ ఆదివారం ఆయన కుటుంబాన్ని పరామర్శించి రూ.30వేల ఆర్థిక సాయం అందజేశారు. మృతుడి భార్య, పిల్లలకు ఆర్థికసాయం అందజేసి అండగా ఉంటామని భరోసా ఇచ్చారు.
ఈ సందర్భంగా వారు మాట్లాడుతూ తమ స్నేహితుడు మల్లేశ్కు చికిత్స కోసం రూ. 54 వేలు అందించామని తెలిపారు. చిన్న వయసులో మిత్రుడిని కోల్పోవడం బాధాకరమన్నారు. ఎండీ మాసుం బాబా, రాజేశ్, పాండు, ప్రకాశ్ గౌడ్, రామాంజనేయులు గౌడ్, బాలా గౌడ్ పాల్గొన్నారు.
