తెలంగాణలో పదోతరగతి సప్లిమెంటరీ ఫలితాలు విడుదలయ్యాయి. మధ్యాహ్నం 3 గంటలకు విద్యాశాఖ అధికారులు విడుదల చేశారు. అడ్వాన్స్డ్ సప్లిమెంటరీ ఫలితాలను https://bse.telangana.gov.in వెబ్ సైట్ లోకి వెళ్లి చెక్ చేసుకోవచ్చు. సప్లిమెంటరీ పరీక్షల్లో 73శాతం మంది విద్యార్ధులు ఉత్తీర్ణత సాధించినట్లుగా అధికారులు వెల్లడించారు. బాలుర ఉత్తీర్ణత 71.01 శాతం కాగా బాలికల ఉత్తీర్ణత 76.37 శాతంగా ఉంది. కాగా, ఈ నెల 3 నుంచి 13 వరకు సప్లిమెంటరీ పరీక్షలు జరగ్గా, 51,237 మంది హాజరయ్యారు.
