హైదరాబాద్, వెలుగు : మేడిగడ్డ బ్యారేజీ నిర్మాణంలో అంతులేని లోపాలున్నాయని విజిలెన్స్అండ్ఎన్ఫోర్స్మెంట్ నిర్ధారించినట్టుగా తెలిసింది. బ్యారేజీలోని ఏడో బ్లాక్తో పాటు దానికి ఇరువైపులా 6, ఎనిమిదో బ్లాకుల్లో కలిపి 11 పిల్లర్లను పూర్తిగా తొలగించి మళ్లీ నిర్మించాల్సిందేనని విజిలెన్స్తేల్చిచెప్పినట్టుగా సమాచారం. మేడిగడ్డ బ్యారేజీ కుంగుబాటుపై విజిలెన్స్అధికారులు మధ్యంతర నివేదిక సిద్ధం చేసి ప్రభుత్వానికి అందజేసినట్టుగా తెలుస్తోంది.
ముఖ్యమంత్రి రేవంత్రెడ్డి, మంత్రి ఉత్తమ్కుమార్రెడ్డిలకు ప్రిలిమినరీ రిపోర్టు కాపీలు ఇచ్చినట్టుగా సమాచారం. గతేడాది అక్టోబర్21న మేడిగడ్డ బ్యారేజీలోని ఏడో బ్లాక్లో ఉన్న 20వ నంబర్ పిల్లర్ భారీ శబ్దంతో కుంగిపోయింది. దీంతో దానికి ఇరువైపులా ఉన్న పిల్లర్లు కూడా దెబ్బతిన్నాయి. నేషనల్డ్యాం సేఫ్టీ అథారిటీ(ఎన్డీఎస్ఏ) ఎక్స్పర్ట్టీమ్ బ్యారేజీని పరిశీలించి, ఇరిగేషన్ అధికారులు ఇచ్చిన పలు రికార్డుల ఆధారంగా రాష్ట్ర ప్రభుత్వానికి నివేదిక సమర్పించారు.
బ్యారేజీలోని11 పిల్లర్లు దెబ్బతిన్నాయని, వాటిని పునాదులతో సహా తీసి కొత్తగా నిర్మించాలని సూచించారు. బ్యారేజీలో ఉన్న మొత్తం నీటిని పూర్తిగా తొలగించి పరీక్షలు నిర్వహించాలని ఆదేశించారు. విజిలెన్స్ రిపోర్టులో ఎన్డీఎస్ఏ లేవనెత్తిన అభ్యంతరాలన్నీ ప్రస్తావించినట్టుగా తెలిసింది. మేడిగడ్డ బ్యారేజీ కుంగుబాటు ఒక్క రోజులో జరిగింది కాదని, 2019 నుంచి నిర్లక్ష్యం చేయడంతోనే ఈ పరిస్థితి తలెత్తిందని నివేదికలో పేర్కొన్నట్టు సమాచారం. వరద ఉధృతికి టన్నుల బరువున్న సిమెంట్బ్లాకులు వంద మీటర్ల దూరం నదిలో కొట్టుకుపోయాయని, డిజైన్, నిర్మాణం, నిర్వహణలోపాలను ఇది తేటతెల్లం చేస్తుందని పేర్కొన్నట్లు సమాచారం.
అప్పుడే జాగ్రత్త పడినా పరిస్థితి వేరేలా ఉండేదని సూచించినట్టుగా తెలిసింది. బ్యారేజీలోని మిగతా బ్లాకుల్లోనూ లోపాలు ఉన్నట్టుగా తమ పరిశీలనలో తేలిందని, అయితే దాన్ని నిర్ధారించాల్సింది మాత్రం టెక్నికల్ టీమేనని పేర్కొన్నట్టుగా తెలిసింది. బ్యారేజీ పనికి వస్తుందా లేదా అనేది ఎన్డీఎస్ఏ సహా ఇతర టెక్నికల్అథారిటీ తేల్చాల్సి ఉందని, ఆ యా సంస్థలు ఇచ్చే నివేదిక ఆధారంగా బ్యారేజీని పునరుద్ధరించవచ్చా లేదా అనేది నిర్ణయించాల్సి ఉంటుందని పేర్కొన్నట్టుగా సమాచారం.
