![ప్రజావాణి ఫిర్యాదులకు ప్రాధాన్యం ఇవ్వాలి : కలెక్టర్ ఆశిష్ సంగ్వాన్](https://static.v6velugu.com/uploads/2024/07/114-complaints-were-received-in-public-hearing-held-at-kamareddy-collectorate_Qw5Vqt9rd6.jpg)
- 114 ఫిర్యాదుల స్వీకరణ
కామారెడ్డి , వెలుగు : కామారెడ్డి కలెక్టరేట్లో సోమవారం నిర్వహించిన ప్రజావాణిలో 114 ఫిర్యాదులు వచ్చాయి. కలెక్టర్ ఆశిష్ సంగ్వాన్, అడిషనల్ కలెక్టర్ శ్రీనివాస్రెడ్డి ఫిర్యాదులు స్వీకరించారు. ఈ సందర్భంగా కలెక్టర్ మాట్లాడుతూ.. ప్రజావాణి ఫిర్యాదులకు అధికారులు ప్రాధాన్యం ఇవ్వాలని, అర్జీలను వెంటనే పరిష్కరించాలని ఆఫీసర్లకు ఆదేశించారు. ప్రజావాణితో పాటు సీఎం ఆఫీసు నుంచి వచ్చే ఫిర్యాదులపైదృష్టి సారించాలని చెప్పారు.
వన మహోత్సవాన్ని సక్సెస్ చేయాలి
జిల్లాలో వనమహోత్సవాన్ని సక్సెస్ చేయాలని కలెక్టర్ ఆశిష్ సంగ్వాన్ పిలుపునిచ్చారు. ఆఫీసర్లతో నిర్వహించిన మీటింగ్లో కలెక్టర్ మాట్లాడుతూ... జిల్లాలో మొత్తం 17 లక్షల 88వేల మొక్కలను నాటాలన్నారు. ప్రతి శాఖకు కేటాయించిన టార్గెట్ను కంప్లీట్ చేయాలన్నారు స్కూల్స్, రెసిడెన్సియల్ స్కూల్స్లో కంపల్సరీగా మొక్కలు నాటాలన్నారు. అడిషనల్ కలెక్టర్ శ్రీనివాస్రెడ్డి, డీఆర్డీవో చందర్, డీపీవో శ్రీనివాస్రావు, ఎస్సీ కార్పోరేషన్ ఈడీ దయానంద్, సీపీవో రాజారాం తదితరులు పాల్గొన్నారు.