మంచి కంటెంట్ ఉన్న చిత్రాలు భాషతో సంబంధం లేకుండా ప్రేక్షకాదరణ పొందుతుంటాయి. అయితే గత ఏడాది బాలీవుడ్ ప్రముఖ డైరెక్టర్ విధు వినోద్ చోప్రా దర్శకత్వం వహించిన 12 ఫెయిల్ చిత్రం కూడా ఈ కోవకే చెందుతుందని చెప్పవచ్చు. అయితే 12 ఫెయిల్ చిత్రం బాక్సాఫీస్ వద్ద మంచి హిట్ అయ్యింది. అంతేగాకుండా పలు అవార్డులు రివార్డులు కూడా అందుకుంది. ఈ చిత్రంలో హీరో హీరోయిన్లుగా నటించిన విక్రాంత్, మేధ శంకర్ తమ అద్భుతమైన నటనా తీరుతో ఆకట్టుకున్నారు.
పలువురు సినీ సెలెబ్రెటీలు సైతం ఈ చిత్రంపై ప్రశంసలు కురిపించారు. కాగా ఈ చిత్రాన్ని ఐపీఎస్ అధికారి మనోజ్ కుమార్ శర్మ జీవిత కథ ఆధారంగా తెరకెక్కించారు. ఇందులోభాగంగా ఒక చిన్న పల్లెటూరు నుంచి వచ్చిన యువకుడు ఐపీఎస్ అధికారి ఎలా అయ్యాడు, ఈ క్రమంలో ఎలాంటి ఇబ్బందులు ఎదుర్కున్నాడు, తనని ప్రేమించిన ప్రియురాలు ఎలా ప్రోత్సహించింది అనే విషయాలు చక్కగా తెరమీద చూపించారు. దీంతో ఆడియన్స్ బాగా కనెక్ట్ అయ్యారు.
ALSO READ | ఫ్యామిలీతో కలసి దేవర చిత్రాన్ని చుసిన జక్కన్న.
అయితే ఇటీవలే సుప్రీం కోర్టు సిబ్బంది కోసం 12 ఫెయిల్ చిత్రాన్ని స్పెషల్ షో వేశారు. దీంతో సుప్రీం కోర్టు సిబ్బంది తమ కుటుంబ సభ్యులతో కలసి దాదాపుగా 600 మంది ఈ చిత్రాన్ని చూసి చిత్ర యూనిట్ ని అభినందించారు. అంతేగాకుండా ఇలాంటి చిత్రాలు సమాజానికి ఎంతో అవసరమని వీటివలన విద్యార్థులు కూడా మంచి విషయాలు తెలుసుకుంటారని తెలిపారు.
